Widodo Budidarmo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Widodo Budidarmo

Widodo Budidarmo lair ing Surabaya, Jawa Timur, 1 Sèptèmber 1927; umur 92 taun) inggih punika mantan Kapolri periode 1974 - 1978. Piyambakipun nglampahi pendidikan umum wonten ing HIS (1934-1941), lajeng nglajengaken dhateng Sekolah Teknik (1942-1946). Sanalika wonten ing pendidikan sekolah menengah punika, piyambakipun sampun aktif ngangkat senjata saperlu ndhérék wonten ing Perang Kamardikan wonten ing Jawa Timur.[1]

Karier[besut | besut sumber]

Widodo lajeng mlebet karier kepulisian, lan sinau wonten ing PTIK dumugi lulus taun 1955. Sasampunipun punika, piyambakipun njabat minangka Kabag Organisasi Pulisi wonten ing Purwakarta antawis wekdal tigang taun, 1956-1959. Sadangunipun masa punika piyambakipun ndhérék wonten ing Operasi Penumpasan Gerombolan DI/TII wonten ing Jawa Barat.

Wonten satunggal prestasi Kapolri Widodo Budidarmo ingkang kedah dipuncathet wonten ing lembar lelampahaning kepulisian, inggih punika nalika Polri sarujuk ndhirikaken Kantor Bersama 3 Instansi (Samsat) wonten ing wewengkon hukum Polda Metro Jaya. Tigang instansi punika piyambak-piyambak inggih punika Polri, Pemda DKI Jakarta lan Perum AK Jasa Raharja dumugi tembung sarujuk saperlu mbikak kantor dados satunggal wonten ing Polda. Program sesarengan punika dipunoperasikaken wonten ing pangurusan surat-surat kendaraan motor, kados ta STNK, BPKB lan sanès-sanèsipun. Wonten ing masa pamarentahanipun Widodo ugi Pamarentah medalaken UU No. 9 babagan Narkotik, kanthi tanggal 26 Juli 1976. Ugi, nalika masa Kapolri Widodo dipunterbitaken sawijining Skep Kapolri ingkang mligi babagan Satama Satwa saperlu nunjang langkah-langkah operasional Polri (1977).[2]

Nalika wiwitan taun 1960, piyambakipun tindak dhateng AS saperlu ngangsu kawruh ngèlmu militèr wonten ing US Coast Guard Officers Candidate School, lan pungkasan taun 1960. Kondur saking AS, Widodo njabat Kabag Operasi Pulisi Jakarta Raya (1960). Lajeng manéka kalungguhan dipunsandhang déning Widodo, kanthi urut dados Panglima Korps Perairan lan Udara (1964), Panglima Daerah Kepulisian II Sumatera Utara (1967), lan Kadapol VII Metro Jaya periode 1970-1974. Wonten ing mriki, Kadapol Widodo tanggel jawab babagan operasi pengamanan langsung Pemilu 1971 wonten ing Jakarta, ingkang wekdal punika kahananipun kirang saé. Ugi sasampunipun Pemilu, piyambakipun ugi kedah ngamanaken Sidang Umum MPR-RI ingkang kalaksanan wonten ing Jakarta. Wonten ing bab punika, Widodo dipunangkat dados Anggota MPR-RI.[3]

Sasampunipun njabat Kadapol Metro Jaya, nalika 25 Juni 1974, Widodo dipunlantik déning Présidhèn Soeharto saperlu dados Kapolri. Piyambakipun mangku kalungguhan Kapolri nalika periode 1974-1978. Pelantikan lan pamendhetan sumpah kalungguhan Widodo, wekdal punika tanggal 26 Juni 1974 wonten ing Pura Negara déning Présidhèn Soeharto, sesarengan kaliyan pelantikan lan pamendhetan sumpah kalungguhan Kasal Laksdya TNI R.S. Soebijakto. Ingkang kedah dipuncathet, babagan Widodo punika, inggih punika babagan gegayutanipun ingkang aktif ndhèrèk angkat senjata wonten ing Perang Kemerdekaan wonten ing Jawa Timur, nalika punika, piyambakipun nembé gadhah yuswa 18 taun. Mekaten ugi nalika kadadosan kathah pemberontakan ing rangkah nagari, piyambakipun ndhèrèk wonten ing upaya Operasi Penumpasan Gerombolan DI/TII, Penumpasan G.30.S/PKI lan manéka operasi sanèsipun.

Penghargaan[besut | besut sumber]

Kangge sadaya jasanipun sadangunipun ngabdi dhateng nagara, Widodo dipunanugrahi kathah tandha jasa. Piyambakipun pikantuk Bintang Dharma, Bintang Bhayangkara (I lan III), Bintang Swa Buana Paksi Utama, Bintang Yudha Dharma Utama lan Bintang Jalasena Utama. Piyambakipun ugi pikantuk panyematan sajumlah Satya Lencana, kados SL Karya Bhakti, SL Yana Utama, SL Panca Warsa, SL Perang Kemerdekaan (I lan II), SL COM V, SL Penegak lan SL Veteran Pejuang RI. Déné saking njawi nagari, piyambakipun pikantuk Commandeur Met de Zwaarden, Diplomatic Service Merit Heung in Medal lan Bintang Panglima Setia Makutha Pamaréntah Malaysia.

Cathetan suku[besut | besut sumber]


Didhisiki déning:
Mohamad Hasan
{{{jabatan}}}
1974–1978
Diganti déning:
Awaluddin Djamin