Watu gilang Baturetna

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Koordhinat: 7°49′37″S 110°25′10″E / 7.8268114°S 110.4194112°E / -7.8268114; 110.4194112

Watu gilang Baturetna
AbahanWatu putih

Watu gilang Baturetna, watu gilang Banguntapan, utawa mung watu gilang iku monolit ukir wujud pasagi sing ditemu ing Désa Baturetna ing Banguntapan, Kabupatèn Bantul. Kaya ta watu gilang racaké, watu gilang Baturetna ing kala kawuri diwatara minangka papan lèrèné wong-wong sing liwat laladan kono.

Rerincèn[besut | besut sumber]

Watu gilang Baturetna papané ana ing Dhusun Gilang, Désa Baturetna, Kacamatan Banguntapan, Kabupatèn Bantul, Daerah Istimewa Yogyakarta.[1] Monolit iki dunungé ana ing lebaking Kabupatèn Bantul, 81 m ing ndhuwur lumahing sagara.[1] Watu gilang iki manggon udakara 100 m sawétané Kali Mruwé.[1]

Wujud pasagi, monolit iki dhuwuré 1 m, dawané 2,4 m, lan ambané 2,3 m.[1] Ukir-ukiran kapacak ana ing saben iringané. Ana ukiran (1) iwak lan makara, (2) gajah lan jaran mawa suwiwi, (3) singa mawa suwiwi lan banyak, (4) wedhus lan sapi, sarta ukiran rerenggan kembang.[1] Lumahé monolit iki rata lan ing satengahé ana clowok sing jeroné 15 cm mawa dhiamèter 18 cm.[2] Watu sing dadi bakalé monolit iki ya iku watu putih.[2]

Durung kaweruhan kala apa watu gilang iki diyasa.

Watu iki diwati lan kacathet ing Balai Pelestarian Cagar Budaya Yogyakarta minangka barang warisan budaya sing bisa dilih.[3]

Kutipan[besut | besut sumber]

Rujukan[besut | besut sumber]

  • Degroot, Véronique (2009). Candi, Space and Landscape: A Study on the Distribution, Orientation and Spatial Organization of Central Javanese Temple Remains. Sidestone Press. ISBN 978-90-8890-039-6.CS1 maint: ref=harv (link)
  • "Potensi BCB Kabupatèn Bantul" (PDF). Balai Pelestarian Cagar Budaya Yogyakarta. Dibukak ing 25 March 2016.
  • "Watu Gilang Baturetno". Pemerintah Kabupatèn Bantul Dinas Kebudayaan dan Pariwisata. 1 February 2016. Dibukak ing 25 March 2016.