Watu putih

Saka Wikipédia Jawa, bauwarna mardika basa Jawa
Bata putih Étruska saka pakuburan ing Bandhitasia

Watu putih utawa tuf (saka basa Itali tufo) ya iku jinis watu sing kawujud saka awu gunung geni kasil panjeblug ing gunung geni. Mentas njeblug lan meneb, awu banjur madhet dadi watu kukuh sarana lelakon sing ingaran konsolidhasi utawa pangukuhan. Watu iki kala-kala karan tufa, mligi nalika minangka abahan ing yeyasan, masiya tufa uga jeneng watu séjé. Gunung watu sing ngandhut watu putih punjul 50% ingaran bangsa watu putih utawa tufaséus.

Watu putih iku watu sing rada alus, mula dianggo tumrap yeyasan kawit jaman kuna. Lantaran watu iki lumrah ing Itali, wong Romawi nganggo watu iki tumrap yeyasan. Akèh-akèhé reca moai ing Pulo Paskah uga diyasa saka watu iki déning wong Rapa Nui.

Watu putih bisa kagolong watu beku utawa watu sèdhimèn. Watu iki adaté disinau ing laladan pétrologi watu beku, sanadyan asring diwedhar sarana tembung-tembung ing laladan sédhimèntologi.