Wangsa Surya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sawijining rodha saka Kuil Srengéngé ing Konark. Konark ing Orissa, India, misuwur mawa kuil srengéngé. Reca ana ing kuil yaiku Konaditya.

Wangsa Surya utawa Wangsa Srengéngé utawa Suryawangsa yaiku salah siji wangsa kang misuwur ana ing sejarah lan mitologi agama Hindhu.[1] "Surwanshi" duwé teges wong saka kalangan wangsa iki.[1] Kaum iki misuwur dadi kang umuré paling dawa lan makmur ana ing jaman India Kuna nganti tekan ngadegé Magadha.[1]

Ayodhya arupa ibukutha saka wangsa Surya.[2] Kutha Ayodhya didegaké déning Waiwaswata Manu kang dadi putra mbarep Wiwaswan (Surya).[2] Raja wigati ana ing Ayodhya kang pungkasan iki yaiku Wrehadbala, kang dipatèni déning Abimanyu nalika perang ing Kurukshetra.[2] Raja Ayodhya pungkasan saka wangsa iki yaiku Sumitra, ana ing jaman Wangsa Nanda[2].

Wangsa wigati liyané yaiku Chandrawangsa utawa Wangsa Candra.[1] Para raja kang duwé putra lan putri, kaya ana ing aturan Manu, mula hak ana ing anak mbarep.[1] Miturut aturan iki putra mbarep kang duwé hak kanggo marisi tahta lan dadi raja, kuwi mau yèn ora dilarang déning para pemuka agama utawa ora duwé cacat fisik.[1] Senajan ana perkara kang kaya mengkono, putra kang luwih enom uga ana kang ngedhunaké tokoh-tokoh sajarah saka wangsa kasta Ksatria lan uga Waisya.[1] Klan iki akèh digandhèngaké karo Rama, Raja Ayodhya kang layak miturut aturan pawarisan karajan nanging didhiskualifikasikaké déning bapaké merga janji kang digawé kanggo ibu suri Kekayi.[1]

Raja-raja ana ing wangsa iki diwiwiti saka anané donya lan wong pisanan yaiku Wiwaswan utawa Wiwaswat.[1] Jeneng Wiwaswan tegesé "Panguwasa cahya", yaiku Sang Surya utawa Déwa srengéngé. Putrané kang jenengé Waiwaswata Manu.[1] Raja kang misuwur yaiku Ikswaku. Merga saka kuwi, wangsa iki uga misuwur mawa jeneng Wangsa Ikswaku.[1]

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Wangsa_Surya&oldid=832656"