Umbul Sidamukti

Umbul Sidomukti iku salah sawijining tuladha papan kanggo wisata ing tlatah Semarang, tepaté ana ing Désa Sidomukti, Kacamatan Bandhungan, Kabupatèn Semarang. Papan wisata iki awujud papan wisata pagunungan. Sesawangan kang éndah bisa gawé adem tentrem ing ati lan gawé betah ana kana. Saka papan iki awake dhéwé bisa nyawang éndahing Kutha Semarang, saliyané kui papan wisata iki jumbuh kanggo sapa waé, wiwit saka bocah nganti wong tuwa. Kangge menuju Umbul Sidomukti cekap gampang, saking pusat kutha Semarang Simpang Lima amung butuh waktu 40-60 menit. Saking kutha Semarang, menyang pasar Jimbaran Bandungan, énggok tengen lan munggah kira-kira 4 kilomèter. Saka pasar Jimbaran kathah panunjuk dalan saéngga boten nyasar.

Fasilitas

Manawi ajeng mlebet ing pariwisata Sidomukti kadah bayar tiket kanggé mlebet ing kawasan pariwisata Sidomukti, Tiket mlebet marang Sidomukti saben wong reganipun Rp 8.000. Ing Umbul Sidomukti iki kasamektakaké bèji kang banyuné bening lan anyes, cacahé papat kang jeruné béda-béda. Ing sapinggir kolam ana pondhok-pondhok kanggé lungguhan para pengunjung. Umbul Sidomukti uga dadi papan panggonan kang nengsemake, amarga pemandangane kang iseh asri lan alami, udara tansah sejuk lan akèh tetuwuhan kang nambah adem hawane. Kejaba iku kanggo sapa waé kang kepéngin nguji adrènalin uga kasamektakaké flying fox, marrine bridge ya iku wot tali kang dawane 60 mèter lan ana jurang ing ngisore kang jerone punjul 30 mèter. lan ATV ya iku kendaraan kang dinggo muteri dalan lemah kang ana sakiwa-tengené jurang kang dhuwuré 25 mèter. Kangge bocah cilik ana wahana kang dinggo nglatih mental supados kendel lan ngelatih sportivitas, koyoto flying fox kang dawane 15 mèter. Fasilitas liyané ya iku camping ground ingkang saged dinggo pengunjung kanggé ngerasaake suasana wengi ing alam bébas.

Umbul Sidomukti bisa dadi pilihan kanggo liburan bareng-bareng kulawarga, kanca-kanca sekolah lan uga saged kanggo ngilangake stres. Panggènan wisata Umbul Sidomukti diresmeake tanggal 02 Agustus 2007, kang diyasa nganggo désain kolam tradhisional kang pinggirane kolam kagawé saka tumpukan watu alam. Panggenane ana ing 1.200 dhuwuré lumah laut lan diapit jurang kiwa tengene, amarga iku Umbul Sidomukti mau dadi bèji alam kang paling dhuwur ana ing Indonesia. Wisata Umbul Sidomukti ora mung nawarake kaendahan alam nanging wonten wahana kanggo nguji nyali, kaya ta Flying fox kang dawane udakara 100 mèter ngelewati jurang kang jero. Jeroning lembah ya iku punjul 70 mèter.

Cerita kadadeane Sidomukti iku jarene ratusan taun jaman mbiyen, nenek moyang kita jeroning upayane kanggé mukti nggayuh nirwana, meniti gunung, lan menembus alas Gunung Lewang Lewung. Ing panggènan punika sok wonten dhuwur awan kanggé semedi nyerahke awak kaliyan Sang Maha Pencipta alam semesta saktenane ngagumake, lan ngelapangake dhadha. Kita kapurun mbagi rasa seneng, lan ngajak sedoyo masarakat ndelok keindahane alam ing désa kita Sidomukti