Tutankhamun

Saka Wikipédia Jawa, bauwarna bébas abasa Jawa
Topèngé Tutankhamun nalika dikubur.
Makamé Tutankhamun ing Lembah Para Ratu

Tutankhamun (kala-kala uga diparabi King Tut) ya iku Pirngoning Mesir Kuna wiwit udakara 1334 Masèhi nganti 1323 Masèhi. Dhèwèké dadi Pirngoning wangsa ka-18 (kulawarga radya) nalika dhèwèké umur 9 taun ing jaman Praja Anyar Mesir.

Tutankhamun kuwi anak lanangé Akhenaten karo salah sawijining sedulur wadoné,[1] utawa bokmenawa salah sijiné pulunané.[2] Tutankhamun mréntah suwéné 9  taun lan tinggal donya nalika dhèwèké isih enom, ing umur 18 taun. Iki marakaké dhèwèké diapali minangka "The Boy King" utawa "Ratu Lanang sing Enom". Dhèwèké rabi karo sedulur kuwalon wadoné, Ankhesenamun, anaké Padmi Nefertiti, ibu kuwaloné.

Ing taun katelu pamaréntahané, Tutankhamun malikaké sawenèh owah-owahan sing digawè nalika jumenengé bapaké. Dhèwèké ngakiri pamujan marang déwa Aten lan maluyakaké déwa Amun tumuju kaunggulan. Pamenggak marang kultusing Amun diangkat lan hak-hak sing gegayutan karo adat dibalèkaké marang imamé. Kutha krajané dipindhah manèh marang Thebes lan kutha Akhetaten ditinggalaké.[3] Sawisé kuwi dhèwèké ganti jeneng dadi Tutankhamun, "Citra Uriping Amun", mratandhani pamulihané Amun.

Galeri anyar ing Musiyum Kairo[besut | besut sumber]

Ruangan anyar cacah papat ing Galeri Tutankhamun uwis resmi dibukak ing Musiyum Mesir ing Kairo.[4]

Rujukan[besut | besut sumber]

  1. ^ Hawass, Zahi; et al. (2010). "Ancestry and Pathology in King Tutankhamun's Family". Journal of the American Medical Association 303 (7): 640–641. Dijupuk 21 October 2013. 
  2. ^ Powell, Alvin (12 February 2013). "A different take on Tut". Harvard Gazette. Dijupuk 12 February 2013. 
  3. ^ Erik Hornung, Akhenaten and the religion of light, Translated by David Lorton, Ithaca, New York: Cornell University Press, 2001, ISBN 0-8014-8725-0.
  4. ^ BBC News: Egypt unveils renovated Tutankhamun gallery