Nefertiti (éndahing pasuryan sampun rawuh) punika Pramèswari Agung (utawi èstri utami) saking Pirngon/Pharaoh Amenhotep IV (salajengipun gadhah gelar Akhenaten), lan wujud ibu mara sepuhipun lan mungel ibu tiri saking Pharaoh Tutankhamun. Panjenenganipun ugi mungel mréntah karajan ing wekdal ingkang cekak sanget kanthi asma Neferneferuaten-Nefertiti (ateges, Aten mancaraken sunaripun amargi éndahing pasuryan sampun rawuh) sasampunipun garwanipun tilar donya lan sadèrèngipun Tutankhamun minggah tahta. Sacara kasar namanipun dipunpertalaken dados "wanita ingkang ayu (utawi sampurna) sampun teka ". Sabagéyan namanipun ugi ateges manik-manik emas ingkang nglawé dawa, dipunsebat nefer, ingkang asring kagambaraken dipunagem panjenengaipun. Panjenenganipun misuwur kanthi patung jaja-nipun, ingkang sapuniki wonten ing Museum Altes Berlin, kados katingal ing sisih tengen. Patung puniki wujud karya ingkang kathah dipuntiru. Dipundamel déning pamatung ingkang namanipun Thutmose, lan ditemokaken ing paninggalan papan piyambakipun nyambut damel. Patung puniki dados conto bilih ing jaman Mesir kuna sampun wonten pamahaman proporsi pasuryan réalistik.
