Tumplak punjèn
Tumplak punjèn ya iku salah sawijiné budaya ing pawiwahan kang ana ing Jawa Tengah.[1] Tumplak punjèn iku artiné mantu kang pungkasan.[1] Acara Tumplak punjèn dianakké kanggo nandhakaké yèn wong tuwa wis ora duwé tanggungan marang anak manèh.[1] Nanging kosok baliné ganti anak kang kudu nanggung uripé wong tuwané.[1] Adicara tumplak punjèn diwiwiti kabèh anak kudu kumpul lan ngroyok sega lan ingkung pitik kang wis dicepakake déning wong tuwa lan wis didongani modin utawa wong kang dituwakaké ing kampung.[1] Anggoné kroyokan mau kuduné akèh-akèhan éntuk sega, segané diwadhahi ning ngaron utawa kendhil kang gedhé ukurané.[1] Miturut mitosé, sing paling akèh éntuk sega iku sing akèh rejekiné.[1] Lan kang rebutan ingkung, sapa sing bisa éntuk ndhas pitik iku sing pantes dadi pemimpin kulawarga.[1] Banjur, yèn sing éntuk jeroan sing paling akèh iku anaké bakal akèh.[2] Saben pérangan awak ingkung iku ana mitosé dhéwé-dhéwé.[2] Nanging kabèh iku mau mung mitos, bisa dipercaya lan uga ora.[1] Ing Rembang, acara iki ramé banget.[2] Saben ana wong mantu kang pungkasan akèh wong kang padha pengen nonton.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |