The Whole Truth (filem 2016)

Saka Wikipédia Jawa, bauwarna bébas abasa Jawa
The Whole Truth
TheWholeTruth 2016poster.jpg
Theatrical release poster
Disutradarani Courtney Hunt
Diprodhuseri
Ditulis déning Nicholas Kazan
Dibintangi
Dimusiki
Sinématografi Jules O'Loughlin
Dibesut déning Kate Williams
Perusahaan
prodhuksi
Dibabar déning Lionsgate Premiere
Tanggal metu
  • 21 Oktober 2016 (2016-10-21) (Amérika Sarékat)
Suwéné
93 menit[1]
Nagara Amérika Sarékat
Basa Basa Inggris

The Whole Truth inggih punika filem sandhiwara thriller saking Amérika Sarékat ingkang kadamel taun 2016. Filem punika dipunsutradarani Courtney Hunt, adhedhasar skénario anggitanipun Nicholas Kazan. Ingkang maragani filem punika antawisipun Keanu Reeves, Gabriel Basso, Gugu Mbatha-Raw, Renée Zellweger, lan Jim Belushi. Pandamelan gambar filem punika kawiwitan ing surya 7 Juli 2014. The Whole Truth dipunbabar sesarengan kagem para pamirsa ing surya 21 Oktober 2016.[2]

Lampahan[besut | besut sumber]

Setunggalipun nèm-nèman yuswa 17 taun, Mike Lassiter, kénging perkawis kriminal lan nglampahi sidhang ing pangadilan kanthi ditujah sampun mejahi ramanipun piyambak. Wonten ing pangadilan, piyambakipun kairing déning satunggalipun pekelur kang asma Richard Ramsay. Nanging majlis hakim mboten ngukum Mike Lassiter awit saking mboten wontenipun bukti ingkang saget ngarahaken bilih piyambakipun punika ingkang tumindak. Sedaya seksi ingkang dipunrawuhaken sami paring pratélan palsu awit saking mboten sagah ndhèrèk langkung mlebet wonten perkawis punika. Para hakim, pamirsa, seksi, yuri, lan sedayanipun sami bingung amarga Mike langkung kathah kèndel nalika para hakim lan jeksa mundhut katrangan saking piyambakipun.

Ing pérangan sanès kacariyosaken bilih Mike, ibunipun, lan ramanipun punika kalebet kulawargi ingkang tebih saking karahayon. Ramanipun, Boone Lassiter, asring tumindak kasar dhumateng Mike utawi dhumateng ibunipun.

Ing pungkasan cariyos, Mike nuduhaken sunggingan orèt-orètan tangan wonten dluwang dhumateng Richard Ramseay. Nalika Richard nyuwun pirsa punika sunggingan punapa, Mike mangsuli bilih punika sunggingan jam asta kagunganipun Richard ingkang kapirsan wonten sangandhapipun patileman ramanipun. Pungkasanipun Richard kewelèh bilih sajatosipun piyambakipun punika ingkang mejahi ramanipun Mike awit saking kasarujukan ibunipun Mike. Richard ugi kababar, pranyata wonten sesambetan ndhelik kaliyan ibunipun Mike.

Ingkang maragani[besut | besut sumber]

Latar wingking[besut | besut sumber]

Wiwitanipun Daniel Craig badhé katetepaken maragani filem punika wulan Januari 2014, nanging ing wulan April, sadèrèngipun pandamelan kawiwitan ing New Orleans, Louisiana piyambakipun mratélakaken lèngsèr saking proyek punika, awit saking alesan ingkang dèrèng cetha.[3] Craig salajengipun dipun-gantos déning Keanu Reeves ing wulan Juni.

Ing surya 10 Juli 2014, Jim Belushi katetepaken maragani filem punika minangka ramanipun Mike, lan Zellweger badhé maragani minangka ibu.[4] Ing surya 12 Agustus, Jim Klock ugi kalebetaken maragani minangka jeksa.[4][5][6][7]

Rujukan[besut | besut sumber]

  1. ^ "THE WHOLE TRUTH (15)". British Board of Film Classification. March 24, 2016. Dijupuk March 25, 2016. 
  2. ^ Linda Ge (2014-07-10). "Jim Belushi Joins Keanu Reeves, Renee Zellweger in Courtney Hunt’s ‘The Whole Truth’". The Wrap News Inc. Dijupuk 3 October 2015. The film began production this week in New Orleans 
  3. ^ "Daniel Craig Abruptly Drops Out of 'The Whole Truth'". deadline. 4 August 2014. Dijupuk 4 October 2014. 
  4. ^ a b Ge, Linda (July 10, 2014). "Jim Belushi Joins Keanu Reeves, Renee Zellweger in Courtney Hunt's ‘The Whole Truth’". thewrap.com. Dijupuk July 11, 2014. 
  5. ^ "Jim Klock Joins ‘The Whole Truth’". deadline.com. August 12, 2014. Dijupuk August 13, 2014. 
  6. ^ "ON THE SET FOR 7/07/14: Owen Wilson & Kristen Wiff start relativity armored car project, Mel Gibson wraps on Blood Father". studiosystemnews.com. July 7, 2014. Dijupuk July 11, 2014. 
  7. ^ Banks, Paul (July 2, 2014). "New Orleans courts The Whole Truth". kftv.com. Dijupuk July 14, 2014. 

Pranala njawi[besut | besut sumber]