The Vanishing (film)

Saka Wikipédia Jawa, bauwarna mardika basa Jawa
The Vanishing
Theatrical release poster
DisutradaraniGeorge Sluizer
DiprodhuseriLarry Brezner
Pieter Jan Brugge
DiskénariyoniTodd Graff
AdhedhasarHet Gouden Ei
déning Tim Krabbé
DibintangiJeff Bridges
Kiefer Sutherland
Nancy Travis
Sandra Bullock
DimusikiJerry Goldsmith
SinématografiPeter Suschitzky
Dibesut déningBruce Green
Dibabar déning20th Century Fox
Tanggal metu
Suwéné
109 menit
NagaraAmérikah Sarékat
BasaBasa Inggris
Rantaman$23 yuta
Kalarisan$14,543,394[1]

The Vanishing inggih punika filem sandiwara thriller saking Amérikah Sarékat ingkang dipundamel taun 1993. Film Punika dipunsutradarani George Sluizer, dhedhasar skénario anggitanipun Todd Graff. Paraga ingkang kadhapuk ing filem punika antawisipun Jeff Bridges, Kiefer Sutherland, lan Nancy Travis. Film punika damelan ambal saking filem basa Perancis-Walanda ingkang naté dipundamel ing taun 1988 kanthi judhul sami, The Vanishing, lan ugi dipunsutradarani George Sluizer.[2][3][4][5][6]

Ringkesan[besut | besut sumber]

Jeff Harriman (Kiefer Sutherland) lunga plesir kaliyan pacanganipun, Diane Shaver (Sandra Bullock), ingkang dumadakan ilang tanpa tapak, ing salah satunggalipun stasiyun pompa bènsin. Tigang taun salajengipun, Jeff Harriman saestu péngin mangertosi sajatosipun ingkang sampun kadadosan. Sawijining dinten, Barney Cousins (Jeff Bridges) manggihi Jeff lan mratélakaken badhé tanggel jawab awit saking ilangipun Diane Shaver. Cousin badhé ngaturi pirsa dhumateng Jeff, wonten punapa sajatosipun ingkang kadadosan tumrap Dianne Shaver, nanging prajanjén punika wonten srananipun, Cousin badhé kesah kados ta Dianne.

Ing babak criyos mundur (flashback), dipuntingalaken jejer kriminal. Jeff dipunarahaken tumuju stasiyun pompa bènsin nalika pacanganipun dumadakan ilang, lan kacariyosaken ugi, piyambakipun ngunjuk kopi sinambi mendem, piyambakipun badhé nglampahi nasibipun lumantar kadadéan punika.

Pacang énggal Jeff, Rita (Nancy Travis), sampun napak tilas papan dunung kadadosan, lan nembé kemawon nemokaken punapa ingkang sajatosipun. Rita ngaturi Cousins ngunjuk kopi lan obat bius nanging mboten mangertos bilih obat bius punika wau namung saget mandi 15 menit kemawon. Piyambakipun madosi Jeff Harriman, nanging dipunpenggak déning Cousins. Jeff kasil wungu saking salebetipun kubur lan mejahi Cousins ngginakaken sekop ingkang naté dipun-ginakaken mejahi Dianne Shaver. Filem dipunpungkasi kanthi adhégan Jeff lan Rita wangsul sesarangan, nyerat cariyos punika awujud novèl, lajeng dipuntawakaken dhumateng juru babar.

Ingkang maragani[besut | besut sumber]

  • Jeff Bridges -Barney Cousins
  • Kiefer Sutherland-Jeff Harriman
  • Nancy Travis-Rita Baker
  • Sandra Bullock-Diane Shaver
  • Park Overall-Lynn
  • Maggie Linderman-Denise Cousins
  • Lisa Eichhorn-Helene Cousins
  • George Hearn-Arthur Bernard
  • Lynn Hamilton-Miss Carmichael

Pangeduman[besut | besut sumber]

The Vanishing dipunbabar kanggé sedaya para pamirsa ing Amérikah Sarékat surya 5 Fèbruari 1993 lumantar 1,656 gedhong biyoskup. Nalika kababar kaping pisan ing dinten Setu ndalu, filem punika lenggah wonten ing urutan kaping sekawan box office lan kasil ngempalaken $5.0 yuta. Ing minggu kapisan, filem punika kasil ngempalaken $6.2 yuta, minggu kaping kalih mandhap wonten urutan kaping pitu, kanthi ngempalaken $3.5 yuta. Lan pungkasanipun ing minggu kaping tiga, mandhap malih wonten ing urutan kaping patbelas, kasil ngempalaken arta $1.4 yuta. Sasampunipun tigang peken, filem punika pikantuk arta $12.3 yuta, kanthi gunggung $14.5 yuta. Filem punika dipunanggep mboten saget ngranggeh kasuksesan, kamangka modhal ingkang sampun medal dumugi $23 yuta.

Rujukan[besut | besut sumber]

  1. "The Vanishing (1993)". Box Office Mojo. 1993-03-09. Dibukak ing 2011-07-23.
  2. Cithakan:Templat:Cite web
  3. "The Vanishing" (review) Variety January 1, 1992
  4. Cithakan:Templat:Cite web
  5. Cithakan:Templat:Cite web
  6. Cithakan:Templat:Cite web

Pranala njawi[besut | besut sumber]