The Stolen Eagle (sèrial TV)

Saka Wikipédia Jawa, bauwarna mardika basa Jawa
(Kaelih saka The Stolen Eagle)
The Stolen Eagle
DisutradaraniMichael Apted
DiprodhuseriBruno Heller
Ditulis déningBruno Heller
Dibintangi
  • Ciarán Hinds
  • Kevin McKidd
  • Lee Boardman
  • Ray Stevenson
  • Kenneth Cranham

The Stolen Eagle ya iku sèrial TV British-Amerika kang ditulis déning Bruno Heller lan disutradarani déning Michael Apted. Sutradhara sèri iki ya iku Michael Apted lan ditulis déning Bruno Heller. Déné pemain sèri kasebut ya iku Ciarán Hinds, Kevin McKidd, Lee Boardman, Ray Stevenson, lan Kenneth Cranham. Sèri kasebut disiaraké ing tanggal 28 Agustus 2005.[1]

Ing Gaul ing taun 52 sakdurungé masèhi, nalika perang pungkasané rampung, Caesar ngadhepi kamenangan lan kasangsaran. Sajroné kamenangan dhèwèké éntuk warta menawa putriné tiwas sadurungé lair.

HBO nggambaraké stratègi pemasaran sèri iki minangka kang paling gedhé, paling agrèsif kanggo sèri anyar kanthi béaya $ 10 yuta. Ing siaran pisanan, kira-kira 3,8 yuta pamirsa AS nonton èpisodé kasebut. Ing pamuteran pisanan ing Inggris lan Irlandia, pamirsa kang nonton sèri kasebut kira-kira 6,6 yuta wong.[2][3]

Aleran[besut | besut sumber]

Sajroné pangepungan Alesia ing taun 52 sakdurungé masèhi, Centurion Lucius Vorenus saka Lègion ke-13 dhawuh marang pasukané nalika prajurité Gallic dikalahaké. Vorenus mréntah supaya Titius Pullo bali manéh ing formasi, nanging Pullo, malah nyerang komandhané. Pullo disèrèt lan bakal diukum mati.

Sedina sawisé Vercingetorix dikepung, Chieftan saka suku Arverni lan "Raja Gauls", digawa menyang Julius Caesar lan dipeksa nyerah. Ing ngarepé Caesar, dhèwèké diudhani lan banjur dipeksa ngambung elang saka pasukan kasebut. Nalika dhèwèké ngambung elang kuwi, Vorenus narik pedhangé lan wiwit nembangkaké, "Caesar! Caesar!" Wolung taun Perang Gauls wis rampung. Ing Roma, ponakané Caesar, Atia, tuku jaran sing ampuh banget. Dhèwèké kepingin mènèhaké jaran kuwi kanggo Caesar. Jaran iki dikirim menyang omahé déning Timon, sawijining pedagang jaran Yahudi sing manggon ing Roma. Sawisé patemonané karo Timon, Atia adus lan miwiti ngobrol karo putrané sing remaja, Octavian. dhèwèké dhawuh marang Octavian supaya ngirim jaran sing wis dituku mau menyang Caesar ing Gauls kanggo mesthèkaké yen dhèwèké ngelingi kabèh niat apiké Atia.

Ing Senat Romawi, Cato wiwit ubek lan usaha supaya Caesar digawa bali menyang Roma kanggo mangsuli tuduhan menawa Caesar wis nyalahgunakaké jabatané sacara ilegal. Gnaeus Pompeius Magnus, minangka Konsulat tunggal ing Roma, mbantah uduhan kasebut lan negesaké menawa Caesar iku kancané dhèwèké. Cicero njaluk kesederhanaan babagan prakara iki, nyatakaké yen ora wicaksana kanggo mbantah Caesar kanthi carané Cato, nanging padha ora wicaksana uga kanggo mènèhi pitulung marang Kaisar kaya Pompey. Pompey, ora wedi marang dèmonstrasi saka para senator, lan tetep mertahanké pendhapat kanggo nglawan Cato lan metu saka dhiskusi Senat. Kanthi mengkono Pompey mungkasi sèsi kasebut.

Ing téater ing wengi kasebut, Scipio ngenalaké putriné Cornelia Metella menyang Pompey, wong wadon sing bakal dadi bojoné Pompey. Scipio nyatakaké yen bojoné wis tiwas ing Peperangan Carrhae. Patemonan antarané Pompey lan Cornelia ora suwé amarga Cornelia nyatakaké manawa dhèwèké ora cocog ing pagelaran teater. Banjur Cato ngelingaké Pompey menawa dhèwèké kudu sekutuan nglawan Caesar sadurungé kasèp. Pompey nyatakaké manawa dhèwèké percaya yen Caesar kudu dibéla, sanajan kanthi pribadi, Pompey keganggu karo kekuwatané Caesar sing saya tambah.

Ing barak pasukané Caesar, dhèwèké nampa Marcus Junius Brutus, anak kwaloné karo Servilia. Banjur, ing pèsta sing diselenggarakaké karo Servilia, Brutus ngakoni marang Pompey yen kedadèyan ilangé elang Gaul wis nggawé Caesar ora tentrem. Ing dalan menyang barak pasukané Caesar ing Gaul, Octavian dicekel. Kanthi panjaluké Caesar, Atia njaluk garwa sing cocog kanggo Pompey sing saiki wis dadi randha. Dhèwèké mènèhi arahan marang putriné Octavia supaya megat bojoné Glabius, sanajan dhèwèké protès manawa dhèwèké tresna banget marang Glabius. Atia banjur nggawa Octavia menyang Pompey ing pèsta. Sauntara iku, Vorenus lan Pullo banjur golèki elang sing ilang lan nylametaké Octavian saka para penculik. Nalika Vorenus nerangaké babagan dhèwèké, Octavian nuduhaké menawa awaké luwih licik Veronus utawa Pullo. Dhèwèké nerangaké manawa misi dhèwèké mung minangka sikep, amarga kekadèyan ilangé elang sejatiné mujudaké berkah kanggo Caesar.

Nalika Octavian ujar manawa Caesar luwih seneng yen elangé ilang, Vorenus lan Pullo nemokaké bukti yen Pompey ya iku wong kang dhawuh kanggo nyekel Caesar. Dhèwèké duwé elang manéh. Dhèwèké ngandhani Pompey babagan langkah sabanjuré: kanggo musim dingin saka Lègion kaping 13 ing Ravenna, ing wates karo Italia, minangka persiapan kanggo nyepetaké haké menyang Konsul. Pompey ngrusak hubungané karo Caesar lan njupuk Cornelia dadi bojoné. Octavia, diremehaké amarga digunakaké déning Pompey lan krasa ati amarga pegatan sing ora ana gunané, ujar manawa dhèwèké pengin tiwas.[4][5]

Paraga[besut | besut sumber]

  • Kevin McKidd minangka Lucius Vorenus. Lucius Vorenus minangka tokoh utama ing Roma. Dhèwèké miwiti sèri kasebut ing Lègion kaping 13, miturut arahan saka Caesar.
  • Ciarán Hinds minangka Gaius Julius Caesar. Gaius saka Julii, sing diarani Caesar, sing disederhanakaké minangka Gaius Julius Caesar, minangka karakter utama ing Roma. Konflik karo Pompey dadi dhasar crita utama pisanan. Dhèwèké saka sejarah adhédhasar Gaius Julius Caesar.
  • Max Pirkis minangka Octavian. Gaius Julius Caesar Octavianus, sing dikenal minangka Gaius Octavian, yaiku putrané Atia lan dadi putra lan ahli waris saka Gaius Julius Caesar.
  • Kenneth Cranham minangka Pompey Magnus.
  • Ray Stevenson minangka Titus Pullo. Titus Pullo minangka prajurit Romawi lan kanca paling apik saka Lucius Vorenus.[5]

Prodhuksi[besut | besut sumber]

Sèri iki digawé ing antarané Maret 2004 nganti Juli 2005 ing Roma. Béaya kang dinggo nggawé filem kasebut yaiku $100 yuta. The Stolen Eagle ditulis déning prodhuser Bruno Heller lan disutradarani déning Michael Apted sing ugha nyutradarani rong èpisodé sabanjure. Irah-irahan saben èpisodé minangka referensi saka standar pasukan perang Romawi, ya iku nganggo simbol-simbol kang nuduhaké kesatuan para pasukan perang. Ananging, dalané cerita kang nuduhaké babagan nyolong iku adhèdhasar fiksi. Sèri kasebut diwiwiti kanthi adhegan kang nggambaraké kahanan mitos Romawi tradhisional, kaya ta Romulus lan Remus. Kanggo inspirasi anggoné nggawé èfek visual lan desain, perusahaan A52 njlajah musium, maca skrip lan risèt sejarah Romawi. Déné Heller duwé kuwajiban anggoné nulis monolog carita sanajan dhèwèké ora seneng marang tugas kasebut. Ana akéh adhegan kang mbebayani, mula piranti keamanan kang pepak uga disiapaké kanggo njamin perlindhungan keamanané para aktor. James Madigan, sing nduwèni tanggung jawab babagan èfek visual ujar menawa dhèwèké nggatèkaké sacara rinci ngenani sèri kasebut kaya ta klambèn, papan kanggo syuting, nganti kasunyatan sejarah uga digatekaké. dhèwèké kepingin pamirsa bisa weruh Roma ing TV bakal katon kaya kasunyatané.[4]

Panampa[besut | besut sumber]

Disiaraké pisanan ing tanggal 28 Agustus 2005 ing Amerika Sarekat lan Kanadha, sèri iki wis ditonton karo 3,8 yuta pamirsa. Déné ing Inggris lan Irlandia, sèri iki disiaraké ana ing BBC tanggal 2 Nopèmber 2005 lan ditonton déning luwih saka 6,6 yuta pamirsa. The Stolen Eagle nampa ulasan campuran saka kritikus télévisi. Sanajan alérané monoton, nanging papan panggonan sing megah lan klambèn kang rumit nggawé sèri iki dadi katon agung. Gambaran réalitas Roma jaman kuno uga asring ditampilaké ing TV. Iki dadi poin tambahan kanggo The Stolen Eagle. Ana uga pamirsa kang mènèhi kritik anggoné bagéan sèksualitas. Wong Roma asring nampilaké bagéan sèksualitas. Babagan iki bisa waé tambahan saka kauripan modèrn.[6][7][8][9]

Rujukan[besut | besut sumber]

  1. "Rome" The Stolen Eagle (TV Episode 2005) - IMDb, dibukak ing 2019-12-30
  2. "Friends, Romans Countrymen. . . What Am I Doing in These Stirrups? BBC's [Pounds Sterling]58million Epic Rides Roughshod over History - to Keep Its Actors Safe in the Saddle" - The Mail on Sunday (London, England), October 30, 2005 | Online Research Library: Questia Reader". www.questia.com. Diarsip saka sing asli ing 2019-12-31. Dibukak ing 2019-12-31.
  3. "THE RISE OF ROME (AND HBO TOO?).(Living) - The Cincinnati Post (Cincinnati, OH) | HighBeam Research". web.archive.org. 2017-12-11. Diarsip saka sing asli ing 2017-12-11. Dibukak ing 2019-12-31.
  4. a b "Rome - The Stolen Eagle". HBO. Dibukak ing 2019-12-31.
  5. a b Rome: The Stolen Eagle | TVmaze (ing basa Inggris), dibukak ing 2019-12-31
  6. "HBO hopes to give viewers authentic 'Rome' - Deseret News (Salt Lake City) | HighBeam Research". web.archive.org. 2016-04-09. Diarsip saka sing asli ing 2016-04-09. Dibukak ing 2019-12-31.
  7. admin (-001-11-30T00:00:00+00:00). "Canadian premiere of HBO'S new epic drama series Rome". Channel Canada (ing basa Inggris Amérika Sarékat). Dibukak ing 2019-12-31. {{cite web}}: Check date values in: |date= (pitulung)
  8. "When in `Rome' . . . be prepared for some old-school debauchery, guts and glory.(Arts and Lifestyle) - The Boston Herald | HighBeam Research". web.archive.org. 2016-04-14. Diarsip saka sing asli ing 2016-04-14. Dibukak ing 2019-12-31.
  9. "Paul English: Titter Ye Not. Rome Is Utterly Seductive; ROME, BBC2, Wed" - Daily Record (Glasgow, Scotland), November 3, 2005 | Online Research Library: Questia Reader". www.questia.com. Diarsip saka sing asli ing 2019-12-31. Dibukak ing 2019-12-31.