Menyang kontèn

The Space Between Us (filem)

Saka Wikipédia Jawa, bauwarna mardika basa Jawa
The Space Between Us
Poster ingkang dibabar ing biyoskup
DisutradaraniPeter Chelsom
Diprodhuseri
DiskénariyoniAllan Loeb
Carita déning
  • Stewart Schill
  • Richard Barton Lewis
  • Allan Loeb
Dibintangi
DimusikiAndrew Lockington
SinématografiBarry Peterson
Dibesut déningDavid Moritz
Perusahaan
prodhuksi
Dibabar déningSTX Entertainment
Tanggal metu
Suwéné
121 menit[1]
NagaraAmérikah Sarékat
BasaBasa Inggris
Rantaman$30 yuta[1]
Kalarisan$10.5 yuta[2]

The Space Between Us inggih punika filem fiksi ilmiah romantis saking Amérikah Sarékat ingkang dipundamel taun 2017. Filem punika dipunsutradarani Peter Chelsom, dhedhasar skénario anggitanipun Allan Loeb, dipunangkat saking cariyos anggitanipun Stewart Schill, Richard Barton Lewis lan Loeb. Para paraga ingkang kadhapuk wonten filem punika antawisipun Gary Oldman, Asa Butterfield, Britt Robertson, lan Carla Gugino, ingkang nyariyosaken bab laré nèm ingkang lair wonten planit Mars, lajeng wangsul dhumateng Bumi.

Pamundhutan gambar utami filem punika dipun-cakaken tanggal 14 September 2015, ing Albuquerque, New Mexico. Wondéné pambabaranipun kalaksanan tanggal 3 Fèbruari 2017 déning STX Entertainment. Éwasemanten, filem punika mboten katampi kanthi saé déning sagung pamirsa lan juru kritik. Napa malih sasampunipun dipunbabar namung kasil ngempalaken arta $10.5 yuta, kangmangka ragatipun telas $30 yuta.

Ringkesan

[besut | besut sumber]

Kacariyosaken bilih NASA ngintun para astronot dhumateng planit Mars, kalebet Sarah Elliot ingkang mboten kanyana jebulipun saweg ngandhut salebetipun padharanipun. Dumugi planit Mars, jabang bayi Gardner Elliot lair kanti slamet, nanging nyawanipun Sarah Elliot mboten saget kaslametaken. Piyambakipun séda mboten dangu sasampunipun Gardner lair. Salajengipun, Gardner dipunemban déning para asronot salaminipun nembelas taun. Ing kala mangsa punika, Garner saget sesambetan dhumateng Bumi miyos internèt, kalebet tepang kaliyan Tulsa, prawan ingkang taksih sekolah. Kekalihipun sami-sami kesengsem. Perkawis sanès ingkang dipunadhepi, Gardner ingkang lair wonten planit Mars dipunkuwatosaken mangkih mboten saget nglampahi gesang ing Bumi awit saking wontenipun gravitasi.

Cariyos salajengipun, para astronot kalebet Gardner sami wangsul kanthi slamet wonten Bumi. Lan Gardner kasil manggihi Tulsa ing pawiyatanipun. Wiwitanipun Tulsa mboten pitados kaliyan katranganipun Garnder bilih piyambkipun punika lair ing Mars. Nanging dangu-dangu pitados, kepara malah mbiyantu madosi griya ingkang sami wonten foto. Nanging prakawis kasehatan Gardner ndadosaken kuwatos Nathaniel Sheperd, pimpinan para astronot.

Sasampunipun endha saking Nathaniel lan Kendra, Gardner lan Tulsa kasil nemokaken griyanipun Sarah Elliot, lan ing mriku pinanggih pamanipun. Awit saking mboten kiyat nampèni kaanan ingkang awrat, Gardner nyobi pejah kanthi nyemplung sagara, nanging saget katulung déning Nathaniel ingkang ngakèni bilih piyambakipun punika ramanipun. Ing pungkasan, Nathaniel mbekta Gardner dhumateng planit Mars. Pepisahan kaliyan Tulsa tuhu adamel netes luhing kekalihipun. Filem katutup kanthi adègan Gardner kaliyan Nathaniel wonten planit Mars.

Ingkang maragani

[besut | besut sumber]

Pambabaran

[besut | besut sumber]

Ing wulan Agustus 2015, STX Entertainment ngedalaken jadwal pambabaran filem ing surya 29 Juli 2016.[4] Salajengipun wanci pambabaran dipun-gantos déning pambabaran filem damelanipun STX ingkang sanès, jejudhul Bad Moms, lan dipunlih 19 Agustus 2016.[5] Nanging filem Kubo and the Two Strings, Ben-Hur, lan War Dogs ugi mundhut wanci punika, 19 Agustus 2016 lan STX Entertainment pungkasanipun ngalih wanci pambabaran wonten 21 Désèmber 2016, sinambi ngampungaken pérangan ingkang dèrèng tumata.[6] Filem punika lajeng dipunlih wanci pambabaranipun ing 16 Désèmber 2016,[7] lan pungkasanipun STX Entertainment pikantuk tanggal pambabaran wonten 3 Fèbruari 2017.[8]

Box office

[besut | besut sumber]

The Space Between Us ngempalaken arta $7.9 yuta saking pambabaran wonten Amérikah Sarékat lan Kanada, lan $2.6 yuta saking papan panggènan sanès, dados gunggung ngempalaken arta $10.5 yuta, kangmangka ragatipun sampun medal $30 yuta.[1]

Bebungah

[besut | besut sumber]
Bebungah Kategori Nominasi Kasil Ref.
2016 Teen Choice Awards Choice Movie Actress: AnTEENcipated Britt Robertson Nominasi [9]

Ugi pirsani

[besut | besut sumber]

Rujukan

[besut | besut sumber]
  1. ↑ a b c "The Space Between Us (2017)". Box Office Mojo. Dibukak ing February 19, 2017.
  2. ↑ "The Space Between Us (2017)". The Numbers. Dibukak ing February 24, 2017.
  3. ↑ "The Space Between Us Cast + Crew". Fandango. Dibukak ing February 15, 2017.
  4. ↑ Busch, Anita (October 22, 2015). "STX Pushes 'Free State Of Jones' To Summer 2016, Dates 'The Space Between Us'". deadline.com. Dibukak ing October 28, 2015.
  5. ↑ "Comedy 'Bad Moms', Sci-Fi Film 'The Space Between Us' Swap Release Dates". The Hollywood Reporter. March 14, 2016. Dibukak ing March 14, 2016.
  6. ↑ McNary, Dave (June 27, 2016). "Asa Butterfield's 'Space Between Us' Set for December". variety.com. Dibukak ing July 12, 2016.
  7. ↑ Busch, Anita (September 15, 2016). "STX Shifts Release Dates For 'Bye Bye Man' & 'The Space Between Us'". Deadline.com. Dibukak ing November 23, 2016.
  8. ↑ D'Alessandro, Anthony (November 23, 2016). "STX's 'The Space Between Us' Sets New Feb. 3 Launch Date". Deadline.com. Dibukak ing November 23, 2016.
  9. ↑ Vulpo, Mike (May 24, 2016). "Teen Choice Awards 2016 Nominations Announced: See the "First Wave" of Potential Winners". E!. Diarsip saka sing asli ing May 26, 2016. Dibukak ing May 25, 2016.

External jawi

[besut | besut sumber]
Dijupuk saka "https://jv.wikipedia.org/w/index.php?title=The_Space_Between_Us_(filem)&oldid=1651128"