Tembung krama andhap

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Tembung krama andhap tembung Jawa kang kanggo ngurmati utawa ngajèni kanthi cara ngasoraké utama purusa. Tegesing tembung andhap iku 'cendhek' utawa 'asor'. Tembung krama andhap mung kaanggo ing basa ngoko alus lan krama alus.[1] Cacahing tembung krama andhap ana sethithik banget, mligi babagan pakaryan, kaya ta: matur, nyuwun, lan nyaosi.[2] Wujud kang mèh padha karo tembung krama andhap yaiku tembung krama inggil, bédané kanggo ngurmati wong yaiku kanthi cara mulyakaké wong kasebut.[3] Sawatara tembung krama andhap ora duwé padhané ing tembung krama inggil.

Tuladha[besut | besut sumber]

Ing isor iki tuladha tembung krama andhap (kandel), padhané ing tembung ngoko, lan padhané ing tembung krama, nanging ora ana padhané ing tembung krama inggil.[4]

Ngoko Krama Krama andhap
aku kula dalem
amit amit nyuwun sèwu
mélu tumut ndhèrèk
embuh kilap duka
ngiringaké ngiringaken ndhèrèkaken
tungguk tungguk caos

Ing isor iki tuladha tembung krama andhap (kandel), padhané ing tembung ngoko, padhané ing tembung krama, lan padhané ing tembung krama inggil.[4]

Ngoko Krama Krama inggil Krama andhap
akon akén ndawuhi ngaturi
awèh nyukani maringi nyaosi
kandha criyos ngendika matur
njaluk nedha mundhut nyuwun
nyilih nyambut (mundhut) ngampil (nyuwun) ngampil
takon takén ndangu nyuwun priksa
undang ngundang nimbali ngaturi

Uga delengan[besut | besut sumber]

Cathetan sikil[besut | besut sumber]

  1. Suwadji 2013, k. 14.
  2. Suwadji 2013, k. 9.
  3. Suwadji 2013, k. 8-9.
  4. a b Suwadji 2013, kk. 41-49.

Rujukan[besut | besut sumber]

  • Suwadji (2013). Ngoko Krama. Yogyakarta: Balai Bahasa Provinsi Daerah Istimewa Yogyakarta. ISBN 9786027777620. OCLC 890814963.CS1 maint: ref=harv (link)