Pananggalan Maya

Saka Wikipédia Jawa, bauwarna mardika basa Jawa
(Kaelih saka Tanggalan Maya)
Gambar La Mojarra Stela 1, kolom paling kiwa nuduhake pananggalan sistem panjang kang tegesé taun 8.5.16.9.7 utawa 156 Sadurunge Masehi [1]

Pananggalan Maya ya iku sistem pananggalan kang disusun déning sawijining bangsa kang dikenal kanthi jeneng Maya. Pananggalan iki diciptakalke nalika jaman Baktun kaping 6 (sakiwa-tengené taun 747-353 SM)[2]. Puncak kajayaan saka peradaban Suku Maya ana ing taun 250-900 M. Suku Maya ndadèkaké pananggalan maya dadi pathokan lan ukuran kanggo nentokake kadadéan kang dialami déning Suku Maya. Suku Maya uga nganggep tanggalane dadi wujud visual ngenani lakuné wektu kang nggambaraké kepiye urip iku.[3] Nganti tekan saiki saora-orane ana 20 sistem pananggalan Suku Maya lan 15 sistem wis disebarake ana kanggo disinauni, déné 5 sistem liyané isih dirahasiakake déning para pemangku adat Suku Maya.[3]
Saka 15 macem sistem kalender suku maya iku nyathet perobahan srengéngé, wulan, planit-planit kang katon, mangsa panen, lan uga siklus kauripan gegremet.[3]
Pananggalan Suku Maya kang wis misuwur ya iku Tanggalan Tzolkin (Tzolk'in) kang umuré 260 dina lan Pananggalan Haab (Ha’ab) kang umuré 365 dina.[3]
Gabungan saka kekaron tanggalan mau rampung sawisé 52 Haab utawa sakiwa-tengené 52 taun Pananggalan Grégorian.[3]
Kajaba iku ana uga Pananggalan Itung Dawa (Long Count) kang umuré 13 Baktun (siklus) utawa yèn diitung nganggo pananggalan Grégorian lewih saka 5.126 taun, ya iku diwiwiti nalika tanggal 11 Agustus 3114 Sadurungé Masehi (Kalender Grégorius) utawa 6 September 3113 Sadurungé Masèhi (Pananggalan Julius)[4] nganti tekan rampung ya iku tanggal 21 Dhésèmber 2012 Masehi (Tanggalan Grégorius).[3] Sistem Petungan Panjang iki migunakaké basis petungan 20, dena tanggalan modern saiki migunakaké basis petungan 10. Ewadena suwéné wektu saBaktun ya iku 144.000 hari.[3]

Cathetan suku[besut | besut sumber]

  1. http://www.en.wikipedia.org, diakses tanggal 2 Oktober 2010
  2. Dr. Jose Arguelles, The Mayan Factor: Path Beyong Technology, Bear & Company, 1973
  3. a b c d e f g Abu Fatiah Al-Adnani, Kiamat 2012: Antara Ramalan, Sains dan Tinjauan Nubuat Akhir Zaman, Granada Mediatama, 2009, ISBN 978-979-18040-4-2
  4. Vincent H. Malmstrom, Cycles of the Sun, Mysteries of the Moon: The Calendar in Mesoamerican Civilization. Chapter 6: The Long Count: The Astronomical Precision, University of Texas Press, 1997, ISBN 0-292-75197-4