TTA
True Audio (dicekak TTA) iku sawijining piranti elektronika kanggo ngodhe/bukak kodhe audio, kang duwé ciri simple real-time lossless dhedhasar saringan adaptif prognostik kang nuduhaké kasil kang padha utawa luwih becik tinimbang piranti analog modern lumrahé.
Kompresor TTA
[besut | besut sumber]- Nyuda pangurangan kualitas nganti 30% ( lossless audio data compression ).
- Ngodhe/bukak kodhe kanthi algoritma real-time utawa langsung.
- Cepet lan kabutuhan sistem minimal.
- Bisa di compile lan dilakokaké ing sawatara platform kang béda-béda.
- Sumber kodhe lan dokumentasi bébas lan tinarbuka.
- Panjurung piranti keras (Hardware).
TTA ngayahi komprèsi "tanpa suda" utawa lossless ing babagan kanal gandha utawa multichannel 8, 16 lan 24 bit data saka fail-fail Wav audio. Minangka "lossless", tegesé ora ana data/kualitas kang ilang sajeroning prosès komprèsi - nalika dibukak manèh, data bakal padha karo asliné. Rasio utawa perbandhingan kompresi TTA gumantung marang jinis fail musik kang dikomprès, nanging ukuran komprèsi lumrahé dadi 30% - 70% saka ukuran asli. Format TTA bisa njurung tag informasi ID3v1 lan ID3v2.
Migunakaké True Audio codec, panjenengan bisa nyimpen nganti 20 audio CD saka kolèksi musik, ing sajeroning siji DVD-R kanggo ngunèkaké (playback), kanthi isih nyimpen kabèh tag informasi kang ana ing CD, ing wangun tag informasi kang populèr ya iku ID3.
Proyèk
[besut | besut sumber]Proèk TTA ngasilaké:
- Format data kang bébas/gratis lan prasaja
- Plugins kanggo médhia player kang populèr
- Filter TTA DirectShow
- Produser Tau - komprèsor kang dhedhasar GUI kanggo Windows
- Set kapustakan pangembangan C/C++ TTA