Wong Alemanni

Saka Wikipédia Jawa, bauwarna mardika basa Jawa
(Kaelih saka Suku Alemanni)
Loncat ke navigasi Loncat ke pencarian
Laladan kang dipanggoni suku Alemanni

Wong Alemanni utawa Suku Alemanni iku wiwitané sekuthu saka suku-suku Jerman kang manggon ing laladan kali Rhine.[1] Salah sijiné bukti kang mertandhaké anané suku iki ya iku anané cognomen Alamannicus kang ditampa karo Kaisar Romawi, Caracalla, kang maréntah Kamaharajan Romawi wiwit taun 211–217.[2] Kanthi cara iki, Kaisar Romawi nganggep yèn dhèwèké wis nguwasani suku Alemanni.[1] Sifat persekuthuan suku Alemanni karo suku-suku Jerman isih durung cetha.[1] Persekuthuan iki duwé usaha kanggo nyerang provinsi Romawi, Germania Superior.[1] Lumrahé, suku Alemanni mèlu apa kang wis dilakoni karo suku Franka.[1] Wiwit abad kang sepisanan, kali Rhine wis dadi batas antarané Galia Romawi lan suku-suku Jerman.[1] Suku Jerman, Kelt, lan suku-suku campuran Kelt-Jerman manggon ing pinggir kali iku.[1] Romawi mbagi laladan iki dadi rong distrik ya iku Germania Inferior lan Germania Superior.[1] Distrik kang sijiné manggon ing ngisor utawa lor kali lan kang sijiné manèh manggon ing dhuwur utawa kidul kali Rhine.[1] Wates bètèng Romawi paling njaba ing saubengé Germania Superior diarani Limes Germanicus.[1] Pasukan perang Allemani kerep nyebrang limes lan nyerang Germania Superior kang tumuju Agri Decumates.[1] Minangka persekuthuan wiwit abad kalima, suku Alemanni manggon laladan Alsace nganti laladan Dataran Tinggi Swiss.[1] Saliyané iku, suku Alemanni uga manggon ing laladan kang saiki diarani Bavaria lan Austria, nganti ing lembah Alpen ing abad kaping wolu.[1]

Cathetan suku[besut | besut sumber]

  1. a b c d e f g h i j k l m m-search.jp(dipunundhuh tanggal 27 Agustus 2011)
  2. wdict.net(dipunundhuh tanggal 27 Agustus 2011)