Sokhumi

Saka Wikipédia Jawa, bauwarna bébas abasa Jawa
Lahan kapas ing Taman Botani Sukhum taun 1912.

Sukhum (basa Georgia: სოხუმი; basa Abkhaz: Аҟəа) iku kutha krajan Abkhazia, sawijining nagara pecahan Georgia kang ora diakoni sacara internasional. Ing taun 1989, Sukhum nduwèni padunung 121.406 jiwa.

Sukhum dumunung ing pinggir Segara Ireng sisih kulon Georgia. Kutha iki misuwur kanthi résor, pasisir, sanatorium, spa lan iklim semi tropis. Sukhum dilayani déning Papan Anggegana Dranda Sukhum. Ing kéné uga ana taman botani ngandhut sajarah kang dibangun taun 1840. Wiwit taun 1945 nganti 1954, sawijining laboratorium fisika ing Sukhum kalibet jroning program pengembangan senjata nuklir Uni Soviet. Nganti taun 1992, Sukhum minangka kutha multi-kultur; ana sanga basa kang dipirtuturaké déning padunung kéné.

Voronyagua paling jero ing donya, dawané 2.080 m — dumunung ing pegunungan ing saubengé Sukhum, ya iku ing wewengkon Krubera.

Sajarah[besut | besut sumber]

Sawijining koloni Yunani kang jenengé Dioscurias didegaké ing tlatah iki — banjur diarani Sebastopolis — taun 6 SM. Jenengé banjur owah dadi Sukhum-Kale samangsa pendhudhukan Turki. Rusia nguasani taun 1810.

Dampak perang Georgia-Abkhazia taun 1990-an bisa dirasakaké ing Sukhum — sawetara bangunan wigati, kaya Museum Arsip, rata karo lemah. Senadyan kutha iki sithik mbaka sithik pulih, kondisiné ora kaya jaman sadurungé perang, lan kaberagaman etnik isih durung kagayuh.


Sumber artikel punika saking kaca situs web: "https://jv.wikipedia.org/w/index.php?title=Sokhumi&oldid=999626"