Sejarah Wayang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Sajarah Wayang nganti sepréné dèrèng wonten ingkang saged mathèkaké kapan wayang wiwit wonten ing Indonésia.[1] Nanging yèn mirsani Prasasti lan tinggalan jaman kapungkur, wayang kinten-kinten sampun wonten sadèrèngipun agama Hindhu mlebet. Rikala semanten lakon wayang dèrèng nganggé cariyos-cariyos ingkang dipunpundhut saking India. Pagelaran punika dipunanggé sarana nyembah marang roh leluhur.

Sawetara anggitan sastra jaman Mataram énggal kathah ingkang nyerat prakawis sajarah wayang.[2] Nanging, para ahli sajarah boten sarujuk marang menapa ingkang dipunserat wonten mriku amargi boten cocog marang cathetan lan tinggalan sajarah ingkang sampun wonten. Prasasti paling kina wonten ing abad kaping IV Masèhi. Prasasti ngandhut ukara mawayang kanggé pagelaran pahargyan sima utawi bumi perdhikan. Katrangan ingkang langkung trewaca ing prasasti Balitung, udakara 907 Masèhi. wonten ngriku dipunserat si galigi mawayang bwat Hyang macarita bimma ya kumara. Tegesipun kinten-kinten: "Si Galigi ndhalang kanggé Hyang kanthi lakon Bimma Sang Kumara".[3]

Cathetan suku[besut | besut sumber]

  1. [MGMPBJ, Suplemen Basa Jawa, Semar, 2017]
  2. [Mustika Basa Jawa]
  3. [Prigel Basa Jawa, K13]