Sega bèbèk Gambut

Sega bèbèk Gambut

Sega bèbèk Gambut (basa Banjar: nasi itik Gambut) iku panganan wujud sega mawa lawuh bèbèk kang kawuwuhan bumbu abang (basa Banjar: bumbu habang). Panganan iki lumrahé kacawisaké ing wungkus godhong gedhang. Arané sega bèbèk Gambut amarga mung kaadol ing Kacamatan Gambut, Banjar, Kalimantan Kidul, mligi ing Dalan Ahmad Yani ing kilomèter 14, dalan antarané Kutha Banjarmasin lan Papan Anggegana Syamsudin Noor. Sega kang kaanggo ing panganan iki mligi saka beras kang uga asli Gambut. Regané watara Rp20.000 sawungkus.