Sebnitz
| |||||||
| Katrangan cekak | |||||||
|---|---|---|---|---|---|---|---|
| Praja: | Sachsen | ||||||
| Jembar: | 88,23 km² | ||||||
| Padunung: | 9.932 jiwa (31 Des. 2015)[1] | ||||||
| Pelat nomer wahana motor: | PIR, DW, FTL, SEB | ||||||
| Alamat balé kutha: |
Kirchstraße 5 01855 Sebnitz | ||||||
| Situs wèb resmi: | www.sebnitz.de | ||||||
| Pulitik | |||||||
| Walikutha: | Mike Ruckh (CDU) | ||||||
Sebnitz (pocapané [zɛpnɪts]) iku siji kutha cilik ing Kabupatèn Sächsische Schweiz-Osterzgebirge, Sachsen, Jerman. Kutha sing sing ndunungi mèh 10.000 jiwa iki diakoni pamaréntah minangka siji kutha pariwisata ing Sachsen Wétan ing pinggiring Taman Nasional Sächsische Schweiz ('Switserlan Sachsen'). Sebnitz uga diarani Kutha Kembang Imitasi utawa Kutha Kembang Sutra.
Géografi
[besut | besut sumber]
Kutha Sebnitz dunungé ana ing bantaran Kali Sebnitz sing dhuwuré antara 250 lan 460 m sadhuwuré sagara (titik NN) antara Sächsische Schweiz lan Pagunungan Lausitz. Gunung-gunungan kutha iki ya iku wukir Tanzplan (Tanečnice) sing ana ing Céko. Kutha iki dunungé ana ing pawatesan Céko lan sawétané kutha iki ana Dolní Poustevna ing laladan Pojok Šluknov (Šluknovský výběžek).
Babad
[besut | besut sumber]Sebnitz kapisan ditulis sajeroning layang taun 1223/1241 sing isiné mratélaké pawatesan antara karajan Bohémia lan Kabiskopan Meißen. Ing taun 1451 Sebnitz kapisan diarani siji kutha. Balékutha dibangun taun 1714/1715, nanging sirna karo akèh gedhong liyané, antarané gedhong sekolah nalika kobongan taun 1854. Sakiwatengené taun 1900 Sebnitz dadi punjeré indhustri kembang imitasi. Saka taun 1952 nganti 1994 kutha iki dadi punjeré Kabupatèn Sebnitz. Ing taun 2003 Sebnitz nganakaké Fèstival Dina Sachsen (Tag der Sachsen). Ing sasi Oktober 2015 kurang luwih 3.000 wong démonstrasi amarga protès marang kawicaksanan migrasi Kanselir Jerman Angela Merkel lan yasa 'pawatesan urip' (lebende Grenze nglawan para wong sing nggolèk séwaka.[2]
Tontonan pariwisata
[besut | besut sumber]Tontonan sing pantes ditekani ya iku der Urzeitpark Sebnitz ('Taman Purwakala Sebnitz') mawa 400 modèl kéwan-kéwan lan organisme purwakala, das Modelleisenbahnmuseum der Firma Tillig ('Museum Sepur Modèl' Perusahaan Tillig, Westernvillage lan menara paninjoan kayu sing dhuwuré 36,9 mèter.
Gladri
[besut | besut sumber]-
Urzeitpark Sebnitz -
Musiyum sepur modèl Tillig
Réferènsi
[besut | besut sumber]Pranala njaba
[besut | besut sumber] |
Wikimedia Commons duwé médhia ngenani Sebnitz. |