Kembang imitasi

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Kembang imitasi gagrag lawas

Kembang imitasi iku kembang sing digawé déning manungsa kanggo paèsan omah utawa bisnis. Kadhangkala kembang imitasi digawé kanggo doning ngèlmu kawruh (contoné kolèksi kembang kaca ing Universitas Harvard kanggo nuduhi flora Amérikah Sarékat).

Bahan material sing ditrapaké kanggo nggawé kembang imitasi antarané kain linen sing dicèt lan sungu kéwan sing diserut tipis ing Mesir, emas lan pirak ing Roma Kuna, kertas pari ing Tiongkok, pompongan uler sutra ing Italia, wulu manuk sing dicèt ing Amérika Kidul, lan lilin sarta kulit kerang.[1]

Sing kalebu tèhnik modèren iku sabun inukir, jaringan nilon sadhuwuring rangka kawat, lemah lempung lan plastik. Ing Indonésia lan mligi ing Pulo Bali kembang imitasi digawé saka kayu. Banjur ing Céko kembang imitasi digawé saka kaca kristal. Polièster ditrapaké minangka bahan utama kanggo nggawé kembang imitasi wiwit dasawarsa 1970-an. Kembang imitasi ing pasaran paling akèh digawé saka kain polièster saiki iki.

Sajarah[besut | besut sumber]

Legéndha[besut | besut sumber]

Miturut carita, kembang imitasi wis ana wiwit 3.000 taun kapungkur. Tulisan kapisan jaré ana ing Kitab Prajanjian Lawas. Ing Kitab Raja-Raja, Raja Sulèman pacangan karo Ratu Saba. Loro-loroné bedhèk-bedhèkan. Sajeroning legéndha Kristen saka Abad Tengahan ana bedhèkan ngenani kembang imitasi.

Bedhèkan sing ditujokaké marang Nabi Sulèman ya iku kudu nemu saka rolas kembang lèli sing endi sing palsu lan sing endi sing asli. Banjur Nabi Sulèman ngeculaké tawon. Sing ora dièncoki tawon yakuwi sing kembang imitasi.

Réferènsi[besut | besut sumber]

  1. Wikisource-logo.svg Rines, George Edwin, ed. (1920). "Flowers, Artificial" . Encyclopedia Americana.

Pranala njaba[besut | besut sumber]