Scrabble

Saka Wikipédia Jawa, bauwarna mardika basa Jawa
Dolanan Scrabble

Scrabble ya iku papan dolanan nyusun tembung racaké sing dolanan wong 2 utawa 4.[1] Saka tembung-tembung sing bisa kasusun bakal pikantuk poin saka poin saben aksara ing dhuwuré papan dolanan kotak-kotak (15 kolom lan 15 baris).[1]

Wujud dolanané wujud kotakan cilik gèpèng sing ana tulisané aksara.[1] Wong sing dolanan njupuk 7 kotakan aksara saka wadhahé, banjur disusun supayané dadi tembung, olèh manengen utawa mangisor kaya teka-teki silang.[1] Tembung-tembung sing digawé kudu kelebu ing kamus standar miturut basa sing dianggo dolanan.[1]

Scrabble didol ing 121 nagara ing 29 modèl basa-basa ing donya.[1] Satus yuta set dolanan scrabble bisa didol ing sadonya, lan saben 3 kulawarga ing Amérika duwé sakset dolanan iki.[1]

Ing Amérikah Sarékat lan Kanada, mèrek scrabble sing misuwur ya iku Hasbro, éwodéné ing nagara liya, mèrek scrabble sing akèh digoleki ya iku J.W. Spear & Sons.[1] Sadurungé ana J.W. Spear & Sons ing taun 1993, scrabble iku merek dagang duwéke Murferr Regency ing Australia.[1] Dolanan iki uga diarani Alfapet, FUNWORDER, Skip-A-Cross, lan Palabras Cruzadas.[1]

Sajarah[besut | besut sumber]

Dolanan scrabble wiwitané digawé ing taun 1983, rikala iku diarani "Criss-Crosswords" déning arsitèk sing jenengé Alfred Mosher Butts.[1] Dolanan iki pengembangan saka dolana Lexiko sing biyèn tau digawé, nanging saiki jangkep ana papan dolanan lan cara dolanané kaya teka-teki silang.[1] Dolanan ajeg nggunakaké aksara kaya Lexiko sing digawé miturut itungan distribusi frèkuènsi pangganggon aksara mawa seratan basa Inggris, kelebu artikel koran The New York Times.[1] Alfred Butts nggawé dhéwé dolanan iki lan nawakaké ing perusahaan-perusahaan dolanan gedhé nanging ora payu.[1]

Ana ing taun 1948, pengacara James Brunot, wong saka Newton, connecticut nuku hak produksi dolanan "Criss-Crosswords" lan janji bakal ngewènèhi Butts royalti saka saben sèt sing bisa didol.[1] Brunot banjur nggenti jeneng dolanan iku dadi "Scrabble", tembung ing basa Inggris sing tegesé Usaha Ngudi Karya.[1] Brunot namung ngowahi kotak-kotak bonus ing papan dolanan, lan nggawé luwih gampang aturan dolanané. Jebul, dolanan scrabble payu didol.[1]

Ing taun 1953, Brunot ngedol hak produksi scrabble marang Selchow lan Righter, amarga kapasitas produksi wis ora sanggup nyaguhi akèhé panjalukan.[1] Kaya déné Parker Brothers lan Milton Bradley, Selchow lan Rigter iku salah sijiné pabrik dolanan gedhé sing biyèn tau nulak nuku dolanan scrabble.[1] Ing Britnia Raya lan Australia, scrabble wiwit dipasarake J. W. Spear & Sons tanggal 19 Januari 1955.[1] Perusahaan J. W. Spear & Sons saiki anak perusahaan Mattel.[1] Ing taun 1986, Selchow lan Righter ngadoldolanan iki marang Coleco banjur disol manèh marang Hasbro.[1]

Aturan Dolanan[besut | besut sumber]

Dolanan iki dimaenake wong 2 nganti 4 wong karo papan dolanan kotak-kotak sing cacahé 15 kolom lan 15 baris.[1] Rikala nyusun tembung, saben kotak diisi siji kotakan aksara.[1] Ana ing klub resmi utawa turnamen, tetandhingan namung dimaenake wong loro (utawa, ana kalane antawise 2 tim sing saben anggotane dolanan bareng nyusun aksara saka rak sing béda).[1]

Saben aksara duwé poin dhéwé (Antawise 1 nganti 10) sing beja ing frekuensi wetuné aksara iku standar.[1] Ana ing model scrabble basa Inggris, aksara-aksara sing bisa metu ing tetembungan basa Inggris, kaya aksara "E" utawa "O" poine mung 1. Aksara-aksara sing arang metu, kaya "Q" lan "Z" poine 10.[1] Kajaba iku, ana uga kotakan kosong (ora ditulisi aksara) poine nol, nanging bisa dianggo kanggo nglambangake kabèh aksara saka "A" nganti "Z".[1]

Papan dolanan ditandani karo kotak-kotak bonus sing bisa ngakehake poin.[1] Kotak sing wernane abang ana tulisané "Triple-word" dipingake 3 total poin sing diduwèni saka saktembung, kotak sing wernane jambon "double-word" dipingake 2 total poin sing diduwèni saka saktembung, kotak warna biru tuwa "triple-letter" dipingake 3 poin aksara sing ana ing duwure, ;an kotak biru nom "double-letter" dipingake 2 poin aksara sing ana ing dhuwure.[1] Kotak ing pérangan tengah papan (H8)"double-word" lan diwènèhi tada bintang utawa logo.[1]

Cathetan suku[besut | besut sumber]

  1. a b c d e f g h i j k l m n o p q r s t u v w x y z aa ab ac ad ae permainan Scrabble dari sejarah sampai sekarang waktu (dipunundhuh tanggal 7 Oktober 2012)