Sangtu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Lukisan wong lanang kang nggunakaké sangtu (konde).

Sangtu (상투) ya iku jinis model kondhe rambut tradhisional kang digunakaké déning wong lanang Koréa nalika biyèn.[1] Wong lanang biyèn padha ngingu rambut dawa lan dironce ing dhuwur sirah kanthi nguncir, nali, lan mbentuk kondhe.[1] Sawijining wong lanang kang wis balig lan wis kawin, nggunakaké sangtu kang dadi simbol kadewasan.[1] Aksesori cilik kang digawé saka emas, perak utawa perunggu kang diarani danggot diselipake kanggo njaga sangtu supaya tetep bakuh.[1] Jinis kain pelapis kang digawé saka rambut jaran kang diarani manggeon digunakaké ing dhuwure sirah kanggo nyegah rambut tiba ing rai.[1][2] Wong lanang Koréa wis nggunakaké sangtu kawit jaman Tiga Karajan (37 SM-668 M).[1] Ing mangsa Dinasti Joseon 1397-1910), kabèh wong lanang kang wis kawin nggunakaké sangtu lan tumrap wong lanang kang ora nggunakaké , sanajan wis diwasa dianggep isih kaya bocah cilik.[1] Kedadeyan mau lumrahé dirasakake déning wong lanang diwasa kang durung kawin.[1] Mula wong lanang kaya iki kang mung gorohan nggunakaké sangtu supaya dikira wis kawin, istilahe ya iku geonsangtu.[1] Tradisi nggunakaké sangtu kang pungkasan ana ing taun 1895, nalika pamaréntah majibake kabèh wong lanang ngethok sangtu lan ngganti gaya rambut tradhisional dadi gaya barat.[1] Saiki wis jarang wong lanang ngingu rambut dawa lan nggunakaké sangtu.[1]

Cathetan suku[besut | besut sumber]

  1. a b c d e f g h i j k An Illustrated Guide to Korean Culture - 233 traditional key words. Seoul: Hakgojae Publishing Co. 2002. kk. 140–141. ISBN 89-8546-98-1 Priksa gandra |isbn= (pitulung). 
  2. Manggeonjang(Making Manggeon headband), nricp.go.kr. Diundhuh tanggal 12 Juni 2010.