Robert A. Fernea
Robert Alan Fernea ya iku ahli antropologi saka Vancouver, Washington, Amérikah Sarékat, kalairan tanggal 25 Januari 1932[1][2]. Pandhidhikané ing pawiyatan luhur naté ing Reed College (BA) taun 1954. Sabanjuré MA lan Ph.D. ing University of Chicacgo taun 1959. Robert nglakoni panlitian antropologis ana ing El Nahra, Irak (1956), Nubia Mesir (1961), Afghanistan (1967), Maroko (1971), lan Arab Saudi (1984)[2]. Karya-karya kang tinulis déning Robert ya iku antarané Shaykh and Effendi: Changing Patterns of Authority among the El-Shabana of Southern Iraq (1970), ‘Anthropology of the Middle East and North Africa: a critical assessment’ tinulis bareng James Malarkey, ana ing jurnal Annual Review of Anthropology (1975), lan The Arab World: Forty Years of Change (1997)[1][2]. Robert iki dadi ètnografer kang wis suwé nliti Wetan Tengah[3]. Dhéwéké uga dadi guru lan komentator ing bab mau. Pisumbangan dhèwèké ya iku karya monograf bab Irak kidul lan Nubian Mesir[3]. Robert iki bojo saka Elizabeth Warnock[2].
Rujukan[besut | besut sumber]
- ↑ a b Amit, Vered (2004). Biographical dictionary of social and cultural anthropology. London: Routledge. kc. 223–224. ISBN 020364459X. OCLC 436848672.
- ↑ a b c d "Robert Alan Fernea" (ing basa Inggris). Dibukak ing 2018-01-08.
- ↑ a b "Al-Ahram Weekly | Profile | Robert Fernea: A feeling of hope". weekly.ahram.org.eg. Dibukak ing 2018-01-08.[pranala mati permanèn]