Rinko Kikuchi

Saka Wikipédia Jawa, bauwarna bébas abasa Jawa
Rinko Kikuchi
(菊地 凛子 Kikuchi Rinko)
Rinko Kikuchi cropped.jpg
Kikuchi ing Fèstival Film Venice taun 2010
Lair Yuriko Kikuchi
(1981-01-06) Januari 6, 1981 (umur 36)
Hadano, Jepang
Pakaryan Actress
Taun aktif 1999–saiki
Sana jaringan http://www.anore.co.jp/artist/actor/rinko/index.html

Rinko Kikuchi 菊地 凛子, lair kanthi jeneng Yuriko Kikuchi (菊池 百合子 Kikuchi Yuriko?) ing Hadano, 6 Januari 1981; umur 36 taun), dhèwèké iku aktris saka Jepang kang tau menangaké nominasi Academy Award, Screen Actors Guild Award, lan Golden Globe. Dhèwèké miwiti karir ing donya filem kawit taun 1999,[1] Kabaré aktris enom saka Jepang iki olèh kawigatèn internasional wektu meranaké dadi gadis tuna rungu lan tuna wicara kang jenengé Chieko Wataya ing filem "Babel".[1] Sabeneré, filemé kang kaping pisanan dijudhuli "Ikitai", filem kang kang disutradarai déning Kaneto Shindo.[1] Awit saka filem mau, Rinko banjur kerep metu ing layar amba.[1] Nganti dhèwèké nalika iku asring ditawani kanggo mainaké sutradara filem-filem Jepang liyané, amarga aktingé kang apik.[1]

Film-filem kang tau dibintangi dhèwèké wiwit dikenal masarakat ora mung ing Jepang, ananging ing njaba tlatah Jepang uga, dhèwèké dikenal.[1] Film-filem kondhang kang tau dibintanngi déning dhèwèké kaya ta Sora No Ana lan Cha No Aji, amarga filem-filem mau dhèwèké bisa tampil ing fèstival-fèstival filem kaya fèstival filem Cannes.[1]

Kira-kira wis 16 filem kang suksès dibintangi, banjur ing taun 2006 kapungkur dhèwèké ditawani déning sutradara Alejandro González Iñárritu kanggo main ing filem "Babel".[1] Rinko Kikuchi kacathet dadi sijining aktris Jepang kang dinominasikaké ing piala Oscar ing 50 taun kapungkur.[1]

Nalika taun 2007, Rinko Kikuchi dadi Artis kaloro Jepang kang ngraih Nominasi Oscar. Rinko Kikuchi, aktris kang ora dikenal ing nagara asalé Jepang iku, dadi punjer kawigatèn dadi sijining aktris kaloro Jepang kang ngraih nominasi Oscar.[2] [2] Rinko kang main dadi wanita tunarungu ing filem "Babel" arahan sutradara Meksiko, Gonzales Inarritu.[2] Dhèwèké olèh pitu nominasi Oscar, uga kanggo kategori filem paling apik.[2]

Dhèwèké saingan kanggo ngrebut bebungah aktris pandhukung paling apik bareng karo papat aktris liyané, kaya ta Adriana Barraza saka Meksiko, kang padha-padha mbintangi filem "Babel".[2]

Cathetan sikil[besut | besut sumber]

  1. ^ a b c d e f g h i Biografi Yuriko Kikuchi diundhuh tanggal 14 Agustus 2011
  2. ^ a b c d e nonminasi-oscar-ut8m5lq.html Rinko Kikuchi Artis Kedua Jepang Yang Raih Nonminasi Oscar diundhuh tanggal 14 Agustus 2011