Pentagon

Saka Wikipédia Jawa, bauwarna bébas abasa Jawa
Pentagon
Foto Pentagon saka Space shuttle

The Pentagon iku gedhong Departemen Pertahanan AS ing Arlington, Virginia cerak Washington D.C., sing wangun segi lima (basa Yunani: pentagon). Pentagon iku kantor utama angkatan bersenjata AS.

Pentagon déning akèh pihak dideleng minangka salah siji gedhong sing dirancang kanthi èfisién. Sistem gang ing njero gedhong iki dawané ana 28 kilomèter lan wiyaré ana 11 hektare. Nanging saben papan ing njero gedhong iki bisa ditempuh sajeroning wektu pitung menit kanthi mlaku.

Pentagon dibangun nalika Perang Donya II. Pembangunan diwiwiti tanggal 11 September 1941. Taun 1943, 18 sasi sawisé diwiwiti, gedhong iki rampung. Préesidhèn Roosevelt ngira yèn gedhong iki mung gedhong sauntara waé lan sawisé PD II bakal dianggo minangka gedhong Arsip Nasional. Nalika taun 1998 gedhong iki dirénovasi.

Nalika "Serangan 11 September 2001", montor mabur American Airlines Pamaburan 77 ditabrakaké menyang gedhong iki. Nanging bisa diarani sawijining kabegjan sajeroning musibah, papan sing ditabrak iku papan sing nembé dirénovasi. Sawisé prastawa iki, rénovasi diterusaké lan diprakirakaké bakal rampung taun 2008.

Pranala njaba[besut | besut sumber]