Paul Trevor William Baxter

P.T.W. Baxter ya iku ahli antropologi saka Leamington Spa, Karajan Manunggal kalairan taun 1925^[1]^[2]. Baxter wis naté njupuk kuliah ing pawiyatan luhur Universitas Cambridge taun 1949. Ing pawiyatan luhur iku dhèwèké olèh gelar sarjana (BA)^[2]. Sabanjuré, Baxter nerusaké kuliah ing Universitas Oxford taun 1951 lan 1954. Nalika taun 1954, Baxter olèh gelar D.Phil^[3]. Baxter uga naté nglakoni panalitèn lapangan (field work) ing Kénya (1951-1953), Uganda (1954-1961), Ghana (1956-1961), lan Étiopia (1986-1969). Baxter wis nyerat werna-werna karya tulis lan wis ana kang diterbitké kaya ta Age, Generation and Time (1978) lan Property, Poverty, and People (1990)^[3]. Miturut wewengkon panalitèné, Baxter luwih karenan ing wewengkon Afrika. Mula akèh pagawéyané didominasi rong irah-irahan ya iku bebrayan Borana ing Kénya lor, dhèwèké dumunung prakara fungsi pastoralisme^[2]. Kaping loroné, dhèwèké nliti budaya wong Orono ing Kenya lan Ethiopia. Baxter dianggep minangka antropolog kang mangerti bab pastoralisme déning kalangan ètnograf Afrika^[2].

Rujukan

↑ "In memoriam Paul Trevor William Baxter (30 January 1925–1 March 2014)". Aethiopica. Dibukak ing 2017-11-20.
↑ ^a ^b ^c ^d Amit, Vered (2004). Biographical dictionary of social and cultural anthropology. London: Routledge. kc. 57–58. ISBN 020364459X. OCLC 436848672.
↑ ^a ^b Mohammed A. (2014-03-05). "Remembering P.T.W. Baxter". OPride. Dibukak ing 2017-11-20.

[1] "In memoriam Paul Trevor William Baxter (30 January 1925–1 March 2014)". Aethiopica. Dibukak ing 2017-11-20.

[:0-2] Amit, Vered (2004). Biographical dictionary of social and cultural anthropology. London: Routledge. kc. 57–58. ISBN 020364459X. OCLC 436848672.

[:1-3] Mohammed A. (2014-03-05). "Remembering P.T.W. Baxter". OPride. Dibukak ing 2017-11-20.

[1]

[2]

[3]