Panyerbukan

Saka Wikipédia Jawa, bauwarna mardika basa Jawa
Jump to navigation Jump to search
Tawon mbantu panyerbukan kanthi nyebaraké serbuk sari kang kelèt ing awaké.

Panyerbukan, utawa polinasi (saka basa Inggris, pollination cf. pollen, "serbuk sari"), iku tibané serbuk sari ing lumahing putik. Ing sapérangan gedhé kembang, prastawa iki tegesé "tiba ing pérangan kepala putik". Panyerbukan minangka pérangan wigati saka prosès réprodhuksi tetuwuhan wewiji.

Panyerbukan kang suksès bakal diterusaké kanthi tuwuhé buluh serbuk kang mlebu saluran putik tumuju bakal wiji. Ing bakal wiji lumaku prastawa wigati sabanjuré, ya iku pambuahan.