Pananggalan Jepang

Saka Wikipédia Jawa, bauwarna bébas abasa Jawa

Taun Jepang utawa dikenal minangka jaman kaisar (皇紀 Kōki?) iku cara pangétungan taun ing Jepang adhedhasar taun Kaisar Jimmu jumeneng nata ing taun 660 SM. Istilah resminé yakuwi Zaman Kaisar Jimmu Munggah Tahta (神武天皇即位紀元 Jimmu tennō sokui kigen?), nanging luwih kerep disebut kalèndher kaisar (kō-reki), kalèndher Jimmu (Jimmu-reki), jaman Jimmu (Jimmu-kigen), utawa taun Sumera (taun kaisar).

Taun 1 kalender Jimmu luwih dhisik 660 taun tinimbang Pananggalan Grégorius, saéngga taun Jepang miturut pananggalan Jimmu diitung kanthi nambahaké angka taun pananggalan Grégorius (taun Masehi) ditambah 660. Taun 2000 pananggalan Grégorius padha karo taun 2660 pananggalan Jimmu.

Ing Indonésia, taun Jepang tau dipigunakaké ing mangsa pendudukan Jepang. Naskah asli Proklamasi Kamardikan Indonésia mawa tanggal dina 17 wulan 8 taun '05 (cekakan tumrap taun Jepang 2605), utawa padha karo 17 Agustus 1945 taun Masèhi.

Pranala njaba[besut | besut sumber]