Pèlèt (kayu)

Saka Wikipédia Jawa, bauwarna mardika basa Jawa
Pèlèt kayu kang digawé gitar.

Pèlèt ing babagan kekayon ya iku corak urat galih kayu kang katon ora temata. Pèlèt kayu racaké ana ing sajeroné gémbol kayu, ya iku kayu kang thukul mbedhugul. Klika kang nutupi kayu kang mbedhugul mau uga ora alus kaya lumrahé klika ing papan liya. Racaké anané pèlèt jalaran faktor saka njaba, kaya ta tuwuhan kaserang kéwan gegremetan, jamur lan uga amarga keganggu déning tuwuhan liya. Pèlèt uga bisa ana ing oyot. Corak serat kang ora lumrah mau malah ndadèkaké serat kayu katon éndah. Wong kang gawé péso, béndho utawa keris asring milih kayu kang ana pèlèté kanggo garané. Jinis wit-witan kang asring ana pèlèté antarané timaha (Kleinhovia hospita L.), sanakeling (Dalbergia latifolia) lan jati (Tectona grandis).

Rujukan[besut | besut sumber]