One Piece
| One Piece | |
 Cosplay Bajak Laut Topi Jerami lan Taka no Me Mihawk (kiwa ngandhap) | |
| Genre | |
|---|---|
| Manga | |
| Written by | Eiichiro Oda |
| Published by | Shueisha |
| Demographic | Shōnen |
| Imprint | Jump Comics |
| Magazine | Weekly Shōnen Jump |
| Original run | 22 Juli 1997 – present |
| Volumes | 107 |
| Seri televisi anime | |
| |
One Piece punika seri manga Jepang ingkang dipunserat lan dipunilustrasiaken déning Eiichiro Oda. Manga punika kawiwitan dipunserat ing majalah manga shōnen Shueisha, Weekly Shōnen Jump, wiwit wulan Juli warsa 1997. Dumugi wulan November 2023, manga One Piece sampun dipunkompilasi nganti 107 volume tankōbon. Cariyos manga punika nyritakaken babagan petualangan Monkey D. Luffy lan krunipun, Bajak Laut Topi Jerami. Luffy lan krunipun wonten ing Grand Line kanggé nggolèki harta karun mitos ingkang dipunsebat "One Piece" kanthi cita-cita piyambak dados raja bajak laut. Manga One Piece ugi ngasilaken waralaba media ageng kalebet seri anime, filem animasi, OVA, spesial TV, filem, video game, mainan, lan sanèsipun.
Ingkang dados tokoh utama wonten ing cariyos punika inggih punika Monkey D. Luffy, jaler alit ingkang badanipun dados karet amargi nedha buah Iblis. Luffy ndamel lelampahan dhateng nggoleki khasanah pungkasanipun Gol D. Roger, ingkang dipunsebat "One Piece", lan kajeng dados Raja Bajak Laut. Luffy nggadhahi krunya, ingkang dipunwastani Bajak Laut Topi Jerami. Piyambak-piyambakipun damel perang kaliyan bajak laut sanesipun, organisasi kriminal, revolusioner, agen pamaréntah, ilmuwan, lan kanca-kancanipun saha lawan-lawanipun. Wonten ing pelayaran wonten saganten, Luffy lan krunya ingkang unik lan beda-beda punika ngupados impen-impenipun pribadi lan nggoleki harta karun One Piece.
One Piece pikantuk pujian kritis babagan carita, panggaweyan donya, seni, tokoh, lan humoripun. Manga punika sampun pikantuk akeh penghargaan lan dipunanggep minangka salah satunggaling seri manga paling saé. Ing wulan Desember 2023, manga punika sampun ngantos langkung saking 523.2 yuta kopi ing saindenging jagad[2]. One Piece dados seri manga paling laris ing sajarah lan seri komik paling laris miturut volume buku. One Piece ugi nyekel rekor Guinness World Record ing taun 2015 lan 2022 minangka "seri buku komik kaliyan cetakan paling akèh ingkang dipunterbitaken déning pengarang tunggal"[3]. One Piece dados manga paling laris 11 warsa berturut-turut saking 2008 dumugi 2018[4]. Manga punika minangka manga satunggal-satunggalipun kanthi jualan ngantos 1 yuta kopi kanggé saben volume saking 100+ volume.
Sitiran[besut | besut sumber]
- ↑ "Situs Web Resmi kanggé One Piece". Viz Media. Diarsip saka sing asli ing September 13, 2023. Dibukak ing September 26, 2023.
{{cite web}}: Invalid|url-status=urip(pitulung) - ↑ Ishika, Mishra. "Best Selling Manga of All Time: One Piece, Naruto & More". Yahoo.com.
- ↑ Guiness World Record. "Most copies published for the same comic book series by a single author".
- ↑ Mikikazu, Komatsu. "One Piece Has Dominated Japan's Yearly Manga Sales Ranking for 11 Consecutive Years". Crunchyroll.