Nissa Sabyan
| Nissa Sabyan | |
|---|---|
 | |
| Lair | Khoirunnisa Mèi 23, 1999  Lumajang, Indonesia |
| Alma mater | SMKN 56 Jakarta |
| Pakaryan | Penyanyi |
| Taun aktif | 2015 - saiki |
Khoirunnisa utawa Nissa Sabyan (lair ing Lumajang, Jawa Wétan, 23 Mèi 1999; umur 25 taun)[1] yaiku vokalis saka Sabyan Gambus kang duwèni praupan kang manis lan swarané uga apik. Nissa Sabyan mèlu grup Sabyan Gambus, nalika dhèwèké ngancik kelas 2 SMK.[2][3][4]
Pandhidhikan
[besut | besut sumber]Dhèwèké lair ing Lumajang lan manggon ing Bandung tekan kelas 6 SD. Lulus saka SD banjur pindah menyang Jakarta. Sawisé lulus saka SMP, Nissa lumebu ing SMK N 56 Jakarta jurusan ototronik (otomotif lan èlèktronik). Nissa duwéni gegayuhan kepengin nerusaké kuliah ing jurusan musik. Nanging saiki dhèwèké pengin makarya dhisik ing grupé musik.[5]
Grup musik
[besut | besut sumber]Grup Musik Sabyan Gambus wiwit kawentar ing masarakat amarga kerep nembangké tembang islami utawa sholawat nabi, kanthi nembangaké menèh (cover) utawa nembangké dadi tembang anyar. Grup musik iku anggotané ana 6 uwong alumni sapesantrèn sing ana ing Jakarta. Tekan saiki, akèh wong sing wis dadi langganan ana ing saluran Youtube-é sing digawé dhèwèke (Sabyan Official).
Anggota Sabyan Gambus yaiku Khoirunnisa alias Nissa (vokalis), Anisa Rahman (vokalis kaloro), Ayus (kibor), Kamal (pamain gendang), Tebe (pamain piyul) lan Sofwan (MC). Kabèh mau rata-rata lulusan saka pesantrèn.[6]
Sabyan Gambus digawé kanggo acara kawinan. Banjur ing taun 2017, grup musik iku wiwit ngirim vidio kang pisanan nèng channel Youtube. Tembang-tembang shalawat sing paling laris lan disenengi masarakat yaiku kaya ta Ya Maulana, Deen Assalam, Ya Jamalu, Law Kana Bainanal Habib, Ya Habibal Qolbi, Rahman ya Rahman, Ya Asyiqol Musthofa, Ahmad Ya Habibi, Ya Taiba, Qomarun, Assalamualaika ya Rasulullah lan liya-liyané.
YouTube
[besut | besut sumber]Ing taun 2018, Grup Sabyan Gambus dadi viral amarga saben gawé vidio anyar mesthi dadi trending. Sing nonton bisa tekan puluhan yuta masarakat Indonésia lan masarakat mancanagara. Tembang-tembang sing wis didelok atusan yuta masarakat ya iku Ya Maulana, Deen Assalam, Ya Habibal Qalbi lan Ya Assiqol.
Saya suwé saya maju, grup saka Jakarta iki wiwit nggawé tema tembang sing béda, yaiku tembang gambus saka Wétan Tengah. Amarga gubahan sing luwih modhern, ndadèkaké tembang gambus béda lan mligi.[7]
Pangaji
[besut | besut sumber]Saka karya-karyané kuwi mau, grup Sabyan Gambus oleh pangaji ing Anugerah Syiar Ramadan 1439 H kategori Grup Musik/Penyanyi taun 2018.[8]
Rujukan
[besut | besut sumber]- ↑ Haryanto, Alexander (19 September 2019). "Kejutan Nissa Sabyan & Sejarah Lagu Religi Islam di Indonesia". Tirto.ID. Dibukak ing 15 Juli 2020.
- ↑ brilio.net (2018-05-25). "Nissa Sabyan ulang tahun ke-19, ini kejutan fans yang bikin nangis". brilio.net (ing basa Inggris). Dibukak ing 2019-01-13.
- ↑ Times, I. D. N.; A, Rosita. "10 Potret Nissa Sabyan Gambus, Videonya Ditonton Puluhan Juta Kali". IDN Times (ing basa Indonesia). Dibukak ing 2019-01-13.
- ↑ VIVA, PT VIVA MEDIA BARU- (2018-05-25). "Cantiknya Nissa, Vokalis Band Gambus Sabyan – VIVA". www.viva.co.id (ing basa Indonesia). Dibukak ing 2019-01-13.
- ↑ "Nissa, Vokalis Sabyan Gambus yang Jadi Idola Milenial". kumparan (ing basa Indonesia). Dibukak ing 2019-01-13.
- ↑ Kompasiana.com. "Jebolan Pesantren atau STM, Nissa Sabyan?". KOMPASIANA (ing basa Indonesia). Dibukak ing 2019-01-13.
- ↑ Jun 2018, Ratnaning Asih24; Wib, 07:00. "Tonton Video Sabyan Gambus, Warganet Mancanegara Terpukau". liputan6.com. Dibukak ing 2019-01-13.
{{cite web}}: CS1 maint: numeric names: authors list (link) - ↑ "Daftar Pemenang Anugerah Syiar Ramadhan 1439 H/ 2018". www.kpi.go.id. Dibukak ing 2019-01-13.