Musiyum Soesilo Soedarman
| Museum Soesilo Soedarman | |
| Barkas:MSD1.jpg Museum Soesilo Soedarman | |
| Informasi tempat wisata | |
|---|---|
| Lokasi | |
| Nagara |  Indonesia
|
| Pangelola | Kulawarga besar Soesilo Soedarman |
| Jenis objek wisata | Wisata sajarah |
Museum Soesilo Soedarman ya iku salah sijiné museum kang nyimpen barang-barang warisan saka Jendral TNI (Purn) Soesilo Soedarman nalika dhèwèké ngabekti minangka prajurit Tentara Nasional Indonesia (TNI) Angkatan Darat lan nalika dhèwèké dines ing sakperang kementrian ing pamarintahe manten Présidhèn Soeharto. Museum iki dumunung ana ing Désa Gentasari, Kacamatan Kroya, Kabupatèn Cilacap, Jawa Tengah, Indonesia.[1][2][3][4]
Arsitektur
[besut | besut sumber]Museum Soesilo Soedarman manggon ing sajeroné Pendhapa Wisma Mbah Ageng kang kabangun ing taun 1899 déning Éyang Dipakarsa, penatus (pemangku pamarintah désa) kapisan Désa Gentasari kang kawentar uga minangka Éyang Mendali, panjenangané kuwi éyang buyuté Soesilo Soedarman. Nalika jaman taksih bocah, ya ana ing kono kuwi Soesilo Soedarman manggon, urip bareng wong tuwané, ngangsu kawruh ngèlmu agama saka éyangé. Arsitektur Wisma Mbah Ageng tuhu ngetokaké yasan Jawa kanthi ciri Banyumas, katon saka gendhengé kang dhuwur awujud piramida lan disokong déning welasan cagak kayu jati[5].
Barang-barang koleksi
[besut | besut sumber]Ing sakperangan pojokan musèum kapasang barang-barang kang naté dienggo déning Soesilo Soedarman ing Batalyon Kavaleri I TNI-AD awujud kendharaan panser Amphibi gawéan Ruslan taun 1958 lan pesawat Patroli Maritim NOMAD N-22 TNI-AL kanti nomer P-806, mbiyen naté dadi pesawaté Panglima Kowilhan-I. Kendharaan tempur ing kono cekup nyritakaké lampahé Soesilo nalika taun 1956 nganti 1960, kang nalika iku pangkaté dhèwèké taksih Mayor, ngrintis ngadeké Korps Kavaleri Indonesia lan njabat dadi Komandan Batalyon kuwi.[6][7]
Warisan kang nengeraké pangabekten Soesilo Soedarman minangkani nguri-uri adat lan kabudayan Jawa ya iku anané sepangkon gamelan gadhah Kiai Manis, lan puluhan wayang kulit kang digawé kira-kira abad wolulas. Barang-barang mau nambah kaendahan ruang paviliun sisih wétan. Saliyané gamelan lan wayang, dipasang uga foto-foto kagiyatan Soesilo Soedarman karo sagung kulawarga Karaton Kasultanan Ngayogyakarta, Kasunanan Surakarta, lan Mangkunegaran.
Sakperang barang warisan kang duwé ciri militèr mangsa perjuangan, ditata kanthi komplet ing saben lemari ing museum kuwi. Ana senjata kang naté ngancani nalika dinesé Soesilo Soedarman minangka abdi nagara kaya ta pistol semi otomatik FN-45, P-1 lan TT dipernahake kanti apik. Ing pojok liyané, bedhil kang naté dienggo dhèwèké nalika Perang Donya II kaya déné M-1, SP-1, Senapan Serbu M-16 A-1, SS-1 V-1, HK-33, AK-47, AK-56, Senapan mesin RPD, Pelontar Granat, Pistol Mitraliur, Peluncur Granat Roket RPG-7 lan senapan tabur (Shotgun).
Dipasang uga Patung Badak Cula Satu lan replika pesawat Boeing 747-400 Garuda Indonesia kang tulisané Visit Indonesia Year 1991 minangka lambang Promosi Pariwisata Indonesia nalika Soesilo Soedarman njabat minangka Mantri Pariwisata[8][9].
Foto-foto nalika Jenderal TNI (Purn) H.Soesilo Soedarman séda tanggal 18 Dhésèmber 1997 lan disarékaké nganggo upacara militèr ing Taman Makam Pahlawan Nasional Kalibata Jakarta uga dipasang ing museum iku.
Uga delengen
[besut | besut sumber]Rujukan
[besut | besut sumber]- ↑ "Museum Soesilo Soedarman, dideleng 4 Feb 2015". Diarsip saka sing asli ing 10 January 2016. Dibukak ing 21 April 2017.
- ↑ "Jokowi mengaku terinspirasi oleh sosok Jenderal Soesilo Soedarman, dideleng 4 Feb 2015". Diarsip saka sing asli ing 4 February 2015. Dibukak ing 21 April 2017.
- ↑ Media Wisata, dideleng 4 Feb 2015
- ↑ Situs resmi TNI AL, dideleng 4 Feb 2015
- ↑ Promo Jateng, dideleng 4 Feb 2015[pranala mati permanèn]
- ↑ Astia News, dideleng 4 Feb 2015
- ↑ Situs resmi TNI AU, dideleng 4 Feb 2015
- ↑ "Menko Kemaritiman Kunjungi Museu Soesilo Soedarman, dideleng 4 Feb 2015". Diarsip saka sing asli ing 15 August 2023. Dibukak ing 21 April 2017.
- ↑ "Humas Kab. Cilacap, dideleng 4 Feb 2015". Diarsip saka sing asli ing 7 October 2017. Dibukak ing 21 April 2017.