Musiyum Prangko Indonésia
Musiyum Prangko Indonésia ya iku salah sawijining panggonan wisata kang ana ing Taman Mini Indonesia Indah Jakarta.[1] Musiyum iki diresmèkaké tanggal 29 September 1983 kang minangka gagasan Ibu Tien Soeharto (Ibu Negara).[1] Ambané musiyum iki 9.500 mèter pesagi.[1] Ing platarané ana tugu kang wanguné bal donya lan manuk dara kang duwé tenger lagi maca layang kang nglambangakan visi lan misi PT Pos Indonésia.[1] Musiyum Prangko dihiasi ukiran-ukiran lan reca-reca gaya Bali Jawa, diubengi pager témbok kanthi lawang gapura cacah loro kang niru modhèl dhasar Candhi Bentar.[2] Ing pérangan kiwa lan tengen ana rong yasan kang ambané 402 m2.[2] Pérangan tengen kanggo pengelola lan papan pertemuan, déné sish kiwa kanggo kantor pos.[2] Museum ini mamerake kolèksi prangko Indonésia lan jaban rangkah.[2]
Cathetan suku[besut | besut sumber]
- ↑ a b c d muséumindonesia.com[pranala mati permanèn] Diundhuh tanggal 15 Agustus 2011
- ↑ a b c d tamanmini.com[pranala mati permanèn] Diundhuh tanggal 15 Agustus 2011