Musiyum Bank Mandiri
Musiyum Bank Mandiri ku sawijining musiyum sing dumunung ana ing Dl. Lapangan Stasiun No. 1, Jakarta Kulon lan kalebu salah siji péranganing cagar budaya Kota Tua ing Jakarta.[1]
Sajarah musiyum
[besut | besut sumber]Mulai digunaake tanggal 2 Oktober 1998.[1] Musiyum iki ambané 10.039 m2 kang sadurungé panggonan iku biyèn bekase gedung Nederlandsche Handel-Maatschappij (NHM) utawa Factorji Batavia kang kalebu perusahaan dagang duweke Walanda kang sakteruse dadi perusahaan ing babagan perbankan.[1]
Nederlandsche Handel-Maatschappij (NHM) dinasionalisasikake ing taun 1960 dadi salah sijiné gedung kantor Bank Koperasi Tani & Nelayan (BKTN) Urusan Ekspor Impor.[1] Sakteruse bareng karo lairea Bank Ekspor Impor Indonésia (BankExim) ing tanggal 31 Dhésèmber 1968, gedung iku maleh dadi kantor punjer Bank Export import (Bank Exim), nganti akhire legal merger Bank Exim bareng Bank Dagang Nagara (BDN), Bank Bumi Daya (BBD) lan Bank Pangyasa Indonésia (Bapindo) ing jero Bank Mandiri (1999), saéngga gedung iku dadi asset Bank Mandiri.[1]
Arsitektur yasan musiyum
[besut | besut sumber]Gedung Musiyum Bank Mandiri (ex-Nederlandsche Handel-Maatschappij (NHM)) dirancang déning 3 arsitèk saka Walanda, ya iku J.J.J de Bruyn, A.P. Smits lan C. van de Linde.[2] Gedung iki wiwit diyasa taun 1929 lan ing tanggal 14 Januari 1933 dibuka resmi déning C.J Karel Van Aalst, Présidhèn NHM kaping 10.[2] Gedung ex-NHM iki katon megah kanthi arsitèktur Niew Zakelijk utawa Art Deco Klasik.[2]
Cathetan suku
[besut | besut sumber]- ↑ a b c d e Museum Bank Mandiri (Jakarta)[pranala mati permanèn] (Dipuntingali tanggal 7 Juli 2011)
- ↑ a b c Museum Bank Mandiri Archived 2009-06-18 at the Wayback Machine. (Dipuntingali tanggal 7 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |