Muhammad Kamil

Saka Wikipédia Jawa, bauwarna mardika basa Jawa
Japan

Muhammad Kamil ya iku atlit lumayu marathon saka Semarang. Lair ing Semarang, 3 Januari 1986 lan neruské sekolah ning Fakultas Kedokteran, Universitas Dipanegara.Dhèwéké saiki uga dadi dhokter lan neruské pendidhikan ing S3 bedah saraf Kagoshima University, Jepang. Muhammad Kamil yaiku salah sijining wong kang wis kasil mari saka lelara kanker jaringan ikat sing nggerogoti awaké.[1]

Kauripan[besut | besut sumber]

Lelara sing ana ing awaké Kamil iku wiwit taun 2006 lan 2014. Ing taun iku, Kamil wis wiwit ngelakoni operasi njunjung tumor kang ana ing geger. Nanging dhokter ngomong nalika tumor iku tumor jinak. Minangka dheweke dadi dhokter, Kamil isa nerima vonis saka ahli medis liyane kanthi sabar lan uga Kamil isa takon utawa njaluk saran ning para kancane sing padha dadi dhokter. Iku uga luwih ngewangi Kamil ngelewati cobaan urip iki.

Ing taun 2017 nalika dhèwéké neruské pendidhikan ing Jepang, dhèwéké divonis kena kanker jaringan ikat utawa fibrosarkoma. Tumor ing awaké Kamil kasebar ing geger, paru paru lan diafragma. Saèngga tumor iku kagolong tumor kang isa mbebayani nyawané Kamil. Wektu Sèptèmber taun 2017, Kamil ngelakoni operasi njunjung tumor iku. Para dhokter kapeksa ngethok paru paru sisih kiwa lan ngethok diafragmane Kamil. Kamil ngomong yen otot ing awake kudu dijupuk amarga wis dadi tumor lan wes lumebu ing sumsum balung. Kamil uga ngomong yen dheweke ora njupuk tumor iku, dheweke isa dadi lumpuh lan iku uga mbebayani nyawa.

Kanggo ngganti balung buri kang dijupuk, dhokter masang logam titanium ing awaké Kamil. Dhokter nyatakne awaké Kamil resik saka kanker ing wulan Mèi 2018. Kamil ngelakoni operasi iku ora bayar sitik-sitik o. Merga dibayari karo pamarentah Jepang amarga dhèwéké dianggep temporary resident utawa warga sawetara wektu ing Jepang.

Kanthi ngelewati pengobatan kaanggo ngilangake kanker, Kamil ora mulih menyang Indonesia. Amarga supaya pendidhikane isa tetep lumaku, ora bakal keganggu. Kamil uga ngomong yen dheweke uga kerep nggawa laptop ing rumah sakit supaya tetep isa nggarap tugas lan ngerampungke masa pendidhikane.[2]

Pangabdian[besut | besut sumber]

Sawise mari saka lelara kanker kang cukup nggerogoti awake, Kamil uga nggawe penggalangan dhuwit kanggo wujudake rasa syukur marang gusti. Sadurunge mutusake melu Borobudur Marathon 2018, Kamil uga lumayu 42 km Full Marathon musim semi 2017 ing Kagoshima, Jepang. Saka pengalaman iku, Kamil uga janji yen dheweke bakal rutin marathon minimal setaun pisan. Nanging, kancane Kamil ngusulake marang Kamil supaya dheweke nggawe ajang marathon utawa charity run. Salah siji tujuane yaiku isa ngewangi manungsa liyane sing butuh pitulungan. Bab iku sing dadi alasan Kamil nggawe penggalangan dhuwit lewat Borobudur Marathon 2018

Penggalangan dhuwit iku dilakoni bebarengan karo Borobudur Marathon 208. Ing Borobudur Marathon 2018, Kamil isa lumayu kanthi jarak 42,195 km. Karo jarak sing cukup dawa iku, Kamil duwe target isa tekan garis finish kanthi wektu 6 jam. Kanyatane, ing 2 jam wiwitan Kamil wis isa ngelewati separo dalan. Dalan nanjak rute marathon ora dadi panyegah semangate Kamil kanggo lumayu.Kamil kasil tekan ing garis finish ing wektu 6 jam 36 menit. Adoh saka target panitia yaiku 7 jam.[3] Nganggo klambi sing ana tulisan #KalahkanKanker ing geger, Kamil isa nunjuake marang wong liya, yen penderita kanker isa mari nalika duwe dukungan sing akeh teka wong-wong sekitare.

Isa ditekanke yen tujuane Kamil ikuora dadi juawara ing kontes Borobudur Marathon 2018 iku, nangis tujuane siji yaiku isa nyadarke masyarakat bab manungsa isa anggone ngelawan panyakit ingkang ganas yaiku kanker yen dilakoni kanthi semangat  lan uga kanggo ngelaksanaake penggalagan dhuwit kanggo penderita utawa pasien kanker liyane.

Penggalangan dhuwit iku diwenehi irah-irahan “Miles to Share” karo diwenehi slogan “Kalahkan Kanker”. Penggalangan dhuwit di lakoni ing kitabisa.com .

Semangate Kamil anggone lumayu marathon iku salah sijining wujud semangate Kamil pas ngelawan kanker. Dheweke bisa ngelewati kanker kanthi sabar ngelakoni pengobatan, saengga isa mari saka lelara ingkang cukup mbebayani awake uga nyawane.

Kamil ora ngira bakalane oleh akeh, nanging kasil penggalangan dhuwit isa nganti Rp 133 yuta. Kasil penggalangan dhuwit iku bakale diterusne lan di sumbangne kanggo penderita kanker ing Indonesia ( Yayasan Kanker Indonesia cabang Jawa Timur).

Kulawarga[besut | besut sumber]

Ing cobaan urip iki, Kamil tetep bisa semangat ngelewati iki kabèh. Amarga dheweke nduwe wong kang isa dadi penyemangate. Yaiku anak lan bojone. Kamil duweni anak 2. Yaiku Kiana Naira (umur 3 taun) lan Kai Abduljabbar (umur 1 taun). Uga bojone Kamil ingkang mesthi ana ing burine Kamil, yaiku Elissa Chairani (umur 34 taun).

Réferènsi[besut | besut sumber]

  1. Firdaus, Haris (2018-11-19). "Muhammad Kamil Taklukkan Kanker Lewat Marathon".
  2. Widyaningrum, Noviani. "Dulu Kena Kanker, Dokter Ini Sekarang Rajin Maraton Bantu Pasien Lain". detikHealth (ing basa Indonesia). Dibukak ing 2019-11-07.
  3. Pramudiarja, AN Uyung. "Siapa Sangka Pelari Ini Tahun Lalu Nyaris Lumpuh karena Kanker". detikHealth (ing basa Indonesia). Dibukak ing 2019-11-07.