Allosaurus

Allosaurus Kalamangsa: Jurassic akir, 155–150 Ma PraЄ Є O S D C P T J K Pg N ↓
Mounted A. fragilis skeleton, Museum Purbakala San Diego
Klasifikasi ngèlmiah

Allosaurus(/[unsupported input]ˌæloʊˈsɔːrəs/) yaiku genus Dinosaurus theropoda sing urip kira-kira 155-150 yuta taun kepungkur sasuwéné Jaman Jurassik periode Kimmeridgian nganti wiwitan Tithonian. Jeneng Allosaurus tegesé "kadhal sing béda". Tembung iki asalé saka Yunani "ἅλλος"/"Allos"(béda) lan "σαυρος"/"sauros"("Kadal").Kewan iki sepisanan diilustrasèkaké ing taun 1877 déning Paleontologis Otniel Charles Marsh. Minangka salah sawijining dinosaurus theropoda, Allosaurus nduwèni daya tarik ing antarané para paleontologis. Allosaurus uga prenah dadi kewan sing dadi obyek utama ing sawetara film lan dokumenter sing nyraritakaké babagan uripé dinosaurus ing jaman prasejarah.

Allosaurus kuwi salah sawijiningpredator bipedal. Tengkorake sing gedhe jangkep karo puluhan untu-untune sing dawa lan landhep. Saka fosil sing ditemokake, kewan iki dikira-kira dawane 8,5 meter (28 kaki),sanajan ana fragmen sing nuduhake yen dawane bisa nganti 12 meter (39 kaki). Jalaran karo sikile loro kang gedhe lan kuat, drijine cacah telu ing saben lengen cilike,lan awake kang imbang abote karo buntute sing dawa lan abot iku, kewan iki dilebokake ing kelas Allosaurid, sawijining jinis dinosaurus theropoda carnosaurian. Genus kewan iki duweni taksonomi kang semrawut merga jumlah spesiese sing valid kuwi ora pesthi. Sing paling terkenal kuwi ing antarane yaiku A. fragilis.