Kulawarga basa Austroasiatika

Austro-Asiatik
Austro-Asia
Pasebaran	Asia Kidul lan Kidul-Wétan
Pepanthaning basa	Salah siji rumpun basa utama donya
Turun	Mon-Khmer Munda
Basa Austro-Asiatik

Rumpun basa Austro-Asiatik sing sacara harafiah ateges “Asia Kidul”, iku sawijining rumpun basa-basa sing dipituturaké ing Asia Kidul-Wétan lan Asia Kidul. Ing antarané basa-basa sing klebu rumpun basa iki, mung basa Vietnam, basa Khmer, lan basa Mon sing duwé cathetan sajarah sing dawa. Basa Vietnam lan basa Khmer duwé status basa resmi (basa Vietnam ing Vietnam lan basa Khmer ing Kamboja), sauntara basa Santali lan basa Khasi duwé status basa resmi ing tingkat negara bagéyan ing India. Basa liya saka rumpun iki dipituturaké déning saklompok cilik masarakat.

Rumpun basa Austro-Asiatik nyebar kapisah-pisah ing India, Bangladesh, lan Asia Kidul-Wétan, dipisahké déning dhaérah ing endi basa-basa liya dituturaké. Sacara wiyar dipercaya yèn rumpun basa Austro-Asiatik arupa basa asli dhaérah ing Asia Kidul-Wétan lan bagéyan wétan anak bawana India, lan yèn rumpun basa liya ing dhaérah iku klebu Indo-Eropah, Tai-Kadai, Dravida, lan Sino-Tibet, iku asil saka migrasi manungsa sing dumadi ing tembé wuri. (Minangka conto, ana tembung-tembung basa Austro-Asiatik ing rumpun basa Tibeto-Burma ing Nepal wétan.) Sapérangan ahli basa wis nyoba mbuktèkaké yèn rumpun basa Austro-Asiatik sakerabat karo rumpun basa Austronesia, saéngga mbentuk rumpun gedhé Austrik.

Basa Austro-Asiatik sacara skematis

Rumpun basa Austro-Asiatik sacara skematis:

Austro-Asiatik

• basa Munda
  • basa Mundari
  • basa Santali
• basa Mon-Khmer
  • basa Mon
  • basa Vietnam
  • basa Khmu
  • basa Asli

Pranala njaba

• Mon-Khmer.com: Lectures by Paul Sidwell
• Ethnologue classification
• Mon-Khmer languages at SEAlang