David Hilbert

David Hilbert. Gambar dipunpendhet taun 1912.

David Hilbert (23 Januari 1862, Wehlau, Prusia Wétan–14 Februari 1943, Göttingen, Jerman) punika matématikawan Jerman. Sebagéyan ageng tiyang menggalih bilih panjenenganipun punika salah satunggiling matématikawan paling kagungan pangaruh ing abad kaping 19 lan awal abad kaping 20. Panjenenganipun pikantuk réputasi minangka matématikawan lan èlmuwan ageng kanthi manggihaken utawi ngembangaken sapérangan gagasan, kadosta teori invarian, aksiomisasi geometri, lan gagasan ruang Hilbert. Punika salah satunggiling panemon analisis fungsi. Hilbert lan muridipun nyumbang kathah marang wrangka dhasar matématika ingkang dipunbetahaken ing mekanika kuantum lan relativitas umum. Panjenenganipun punika salah satunggiling tiyang ingkang mandhégani logika matematika. Panjenenganipun ugi salah satunggiling tiyang sepisanan ingkang damel pambèntenan antawisipun matématika lan metamatématika . Conto misuwur kapamimpinanipun ing donya matématika inggih punika presentasinipun ing taun 1900 perkawis himpunan masalah ingkang nemtokaken lelampahan sebagéyan ageng risèt matématika ing abad kaping 20.

Pranala njawi

• Hilbert's 23 Problems Address
• Hilbert's Program
• Karyané David Hilbert ing Project Gutenberg
• Pidato radio Hilbert ingkang dipunrekam ing Königsberg 1930 (kanthi basa Jerman), pertalanipun kanthi basa Inggris ing mriki