Minetest

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Minetest (diwaca MAIN-tès; biyèné diarani Minetest-C55) kuwi dolanan video kang gratis lan migunakaké Irrlicht 3D engine lan diprogram ing C++.[1][2] Dolanan iki kalêbu dolanan video bak wêdhi. Digawé déning Perttu "celeron55" Ahola lan kontributor liyané lan dirilis ing sangisoré lisènsi LGPL.

Minetest digawé amarga diinspirasi saka InfiniMiner lan dolanan sak rupa. Dolanan iki bakuné ing kréatifitas lan gawé wangunan, supaya pêmain bisa mbangun konstruksi saka kothak manéka warna ing donya 3D, kanthi dikênal minangka donya voxel.[3]

Alur saka dolanan iku dipérang ing loro modê utama:

  • Jaga panguripan (survival), kang mbutuhaké pêmain kanggo ndarbéni sumbêr awaké dhéwé lan njaga kêwarasan.
  • Kréatip, pêmain nduwé sumbêr tanpa watês, lan kabisan khusus liyané (kaya ta mabur, nêmbus témbok, pindhah cêpêt, lan liya-liyané).

Minetest bisa didolani ing modê sak pêmain utawa akéh pêmain. Minetest nduwé prosés modhifikasi kang mbukak lan gampang, nggunakaké basa Lua lan bisa mlaku lancar ing mêsin lawas lan anyar.

Lumakuné Dolanan[besut | besut sumber]

Dolanan Minetest kuwi bisa sak-saké kang main, nanging duwé tujuan utama: bisa urip waras lan gawé papan panggonan kanggo urip slamêt. Wêktu mulai dolanan, lakoné bakal ana ing panggon acak ing panggon kang bakal digawé karo dolanané.

Donyané kasusun saka kubus 3D kang diarani node, kang manéka wêrna (kaya ta kayu, lêmah, watu) lan ukurané kira-kira 1 mètêr kubik. Blok-blok kasêbut ditata supaya kabêntuk gunung, lêmbah, têbing, lsp. Uga ana manéka warna bioma.

Sing main bisa ngêdhuk manéka warna bahan, kang bakal mêtu ing invéntarisé kang dolanan. Sabanjuré kuwi, kang main bisa dèlèh blok kang wis dikêdhuk sadurungé, saéngga kang main bisa gawé wangunan manut gêlêmé kang main. Kanggo ngéntukké barang liyané, kang main kudu gawé kêrajinan (misalé gawé kapak kanggo nambang wijih wêsi).

Ana manéka wêrna minêral lan bahan-bahan ing Minetest, saka wit-witan lan lêmah nganti kang angél digolékki kaya "Mese" (diwaca biasa), kang dinggo gawé pêdhang, kapak, beliung, sêkop, lan uga dadi bahan utama ing modhifikasi "Mesecons" (kaya "redstone" saka Minecraft).[4]

Sing main uga nduwé kêwarasan kang bisa kélong amarga dêmok lava, jiblok saka panggon dhuwur, utawa kadadêan liyané. Kêwarasan bisa balik saka mangan apêl utawa panganan liyané. Pas kang main duwé nol kêwarasan, lakoné bakal mati, lan bakal urip manéh ing panggon acak.

Donya dolanan digawé têrus-têrusan pas kang main njlajah panggonan anyar ing donya kasêbut. Minetest duwé donya kang jêmbar bangêt.[2] Sênadyan ana batês donyané. Dolanan iki bisa kaya ngono amarga donyané dibagi dadi blok-blok kang diarani MapBlocks, kang mung dimot pas gawé donya utawa ana kang main ing cêdhaké.

Lakon dudu kang main (uga disêbut NPC, uga diarani dadi mobs) bisa ditambahké kanthi cara masang modhifikasi.

Modê jaga panguripan (survival)[besut | besut sumber]

Modê jaga panguripan (Minetest 0.4.13-dev)

Ing modê iki, kang main nduwéni kêwarasan kang bisa kélong amarga ana kadadéan kang gawé kélong. Yèn lakoné mati, bakal urip manéh ing panggon acak utawa kang wis ditêmtokaké.

Sing main bisa ngêdhuk bahan-bahan. Bahan-bahan kuwi bisa diolah (digawé kêrajinan) kanggo gawé barang kang luwih bêcik.

Dolanan iki duwé sistêm invéntaris, lan kang main diwatêsi cacahé barang kang digawa. Sing main diwènèhi 32 panggon kanggo barang, kang bisa nampung paling sithik 1 barang lan mung 1 jênis kanggo sabên panggon. Sabên panggon bisa diisi paling akéh manut dolanané, kang diarani tumpukan (stack).

Gawané, kang main lawan kang main liyané diolèhké lan ngolèhké anané padu antara kang main.

Modê kréatif (creative)[besut | besut sumber]

Invéntaris modê kréatif (Minetest 0.4.13-dev)

Ing modê iki, gêgayuhan utama kang main iku bangun apa waé.

Sing main bisa jipuk barang sak gêlêmé. Sing main namung nyérét barang saka invéntaris kréatif mênyang invéntaris kang main. Yèn kang main utawa kang ngurus nambahké modhifikasi, barang anyar kuwi uga bakal muncul. Ing modê iki, mobs isih bisa muncul, kaya ing modê jaga panguripan (survival).

Sêjarah[besut | besut sumber]

Minetest iki pisanan ditêrbitaké déning Perttu "celeron55" Ahola liwat GitHub ing 31 Juli 2011 kang vérsi 0.2.20110731_3. Banjur éntuk akèh pangguna, akèh kang banjur mélu bangun Minetest. Padha nulungi karo mbênakake bug, nambah fitur, modifikasi, utawa gagasan.

Dhaftar vérsi[besut | besut sumber]

Punika dhaptar vérsi wiwit 0.4.3 nganti saiki.[5]

Minetest 0.4.3, modê kréatip (layar invéntaris)
Minetest 0.4.3, modê kaslametané
Vérsi Tanggal Rilis Owah-owahan pênting
0.4.3 ? ?
0.4.4 6 Dhésèmber 2012
  • Nganyari tékstur
  • Nambah shader
  • Bisa 3D anaglyph
0.4.5 4 Maret 2013
  • Minetest c-55 dadi Minetest
  • Nambah sawêtara basa
  • Nambah dhaftar sérvêr publik
0.4.6 3 April 2013
  • Nambah barang anyar
  • Nambah panggawé péta anyar
0.4.7 6 Juni 2013
  • Nambah barang anyar
0.4.8 24 Novèmber 2013
  • Nambah fitur "klêlêp"
  • Panjurung kanggo IPv6
  • Nambah cuaca
0.4.9 1 Januari 2014
  • Nganyari shader
0.4.10 6 Juli 2014
  • Nambah tontonan saka wong katêlu
  • Cuaca dibusak
  • Panjurung kanggo Android
  • Nambah barang anyar
  • Nambah lan nganyari basa
  • Nganyari sawêtara barang lan préntah
0.4.11 24 Dhésèmber 2014
  • Nambah panggawé péta anyar
  • Panggawé péta lawas dibusaki
  • Nganyari bentukané dolanan
  • Nambah basa Indonesia
0.4.12 18 Fèbruari 2015
  • Nganyari akèh tékstur
  • Nganyari panggawé péta
0.4.13 20 Agustus 2015
  • Nambah modê sinéma
  • Nambah péta cilik
0.4.14 15 Mei 2016
  • Nambah panggawé péta: Valleys
  • Tab pêngaturan ngandhut kabéh pêngaturan
  • Modê "3D Pageflip"
0.4.15 22 Dhésèmber 2016
  • Panjurung PostgreSQL
  • Éfék kaya ta nggunakaké têropong
  • Nambah sêpur
0.4.16

(saiki)

3 Juni 2017
  • Fitur Undersampling
  • Wiwitan saka fitur Client-side Modding
  • Nganyari tata letak menu utama
0.4.16-dev

(testing)

Sabên wêktu Owah-owahan wiwit 0.4.16 nganti saiki (basa Inggris)

Gambar[besut | besut sumber]

Rujukan[besut | besut sumber]

Pranala Njaba[besut | besut sumber]