Lisosom

Saka Wikipédia, bauwarna bébas basa Jawa
Kanggo enzim lisozim, pirsani Lisozim

Lisosom iku organel sèl arupa kanthong kaiket membran sing isiné enzim hidrolitik kang migunani kanggo ngontrol pancernan intraseluler ing manéka kahanan. Lisosom ditemokaké nalika taun 1950 déning Christian de Duve lan ditemokaké ing kabèh sèl eukariotik. Ing njeroné, organel iki duwé 40 jinis enzim hidrolitik asam kayadéné protease, nuklease, glikosidase, lipase, fosfolipase, fosfatase, uga sulfatase. Kabèh enzim mau aktif ing pH 5. Fungsi utama lisosom ya iku endositosis, fagositosis, lan autofagi.

Ing tetanduran organel iki luwih ditepungi minangka vakuola, sing saliyané kanggo nyerna, duwé fungsi nyimpen senyawa organik sing diasilaké tetanduran.


Sumber artikel punika saking kaca situs web: "https://jv.wikipedia.org/w/index.php?title=Lisosom&oldid=1000298"