Laszlo Yosef Biro

Saka Wikipédia, bauwarna bébas basa Jawa
Laszlo Yosef Biro

Laszlo Yosef Biro ya iku penemu polpen.[1] Dheweke luwih dikenal kanthi aran Laszlo Biro.[1] Laszlo Biro lair ing Budapest, Hongaria tanggal 29 September 1899.[1] Mula bukane polpen ya iku taun 1938 nalika Biro isih nyambut gawé minangka wartawan ing koran Elotte ing Hongaria.[1] Sawijining dina Biro, ngemati mangsi kang digunakake kanggo nyetak koran kang cepet garing.[1] Ngerti kedadeyan mau dheweke kepengin gawé polpen kang luwih ringkes.[1] Kanggo wujudake polpen mau, Biro njaluk tulung marang George, sedulure kang ahli kimia.[1] Wong sakloron ngupaya nemokake mangsi kang ora gampang garing.[1] Ora suwe, wong sakloron kasil anggone matenake polpen ing Paris.[1]

Nalika ana Perang Dunia, Biro lan sedulure ngalih ana ing Argentian.[2] Ing kono dheweke nyoba gawé polpen asil panemone.[2] Nanging, ora suwe, utusan pamaréntah Inggis nawani supaya ngedol hak cipta polpene.[2] Pungkasane, Biro lan sedulure gelem ngedol hak ciptane mau.[2] Ing tangane Inggris, polpen bisa sukses.[2] Nalika sasi Mei 1945, Eversharp, kang bekerja sama karo Eberhard-Faber, kasil anggone entuk hak eksklusif masarake polpen Biro.[2] Polpen kae diarani Evershap CA (singkatan saka capillary action), lan mulai masarake ing Argentina.[2] Kawit iku, polpen dikenal ing donya.[2] Emane, Biro lan sedulure kang minangka penemune, malah ora bisa ngicipi duwit saka asil dodolan polpen.[2] Laszlo Biro tinggal donya ing taun 1985 ing Buenos Aires, Argentina.[2] Kanggo mengeti jasane, pamaréntah Argentina ndadekake dina laire Laszlo Biro ya iku 29 September, minangka Hari Penemu Argentina.

Cathetan suku[besut | besut sumber]

  1. ^ a b c d e f g h i (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 186]
  2. ^ a b c d e f g h i j (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 187]