Langit wengi

Rembulan minangka wewujudan sing paling asring kawahya ing langit wengi, sanadyan kala-kala uga kawahya nalika awan.

Pitembungan langit wengi mangku teges langit sing kasawang nalika wengi. Istilah iki lumrahé gegayutan karo astronomi sing tegesé sesawanganing wewujudan langit kaya ta lintang, rembulan, lan planit-planit sing katon cetha ing langit sawisé wayah surup. Sumbering sunar sing alami tumraping langit wengi kalebu sunaring rembulan, sunaring lintang, sorot udara (airglow), sing béda-béda gumantung papan lan wektuné. Aurora borealis nyunari langit ing Arktik, déné aurora australis ing kukuban Antarktik. Kala-kala, precetan gedhé koronah (coronal mass ejection) sing asalé saka srengéngé utawa angin srengéngé (solar wind) sing gedhé bisa njalari aurora nyandhak katulistiwa.