Kuda Terbang Maria Pinto

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kuda Terbang Maria Pinto
Gambar:Kuda Terbang Maria Pinto.jpg
PanganggitLinda Christanty
BasaIndonésia Indonesia
GènreKumpulan cerpen
PangecapanKataKita Jakarta
Kala babar
2004
Kaca134 halaman
ISBN979-98302-0-6

Kuda Terbang Maria Pinto nggih punika sesirah buku kempalan cerita cekak anggitanipun Linda Christanty ingkang dipunbabar taun 2004 déning KataKita Jakarta. Buku ingkang kandelipun 134 kaca, kanthi ISBN 979-98302-0-6, punika nglantaraken Linda Christanty nampèni bebungah Kusala Sastra Khatulistiwa miyos kategori fiksi, taun 2004. Sasampunipun Kuda Terbang Maria Pinto, Linda Christanty ugi pikantuk bebungah ingkang sami miyos buku ingkang sesirah Rahasia Selma, saking fiksi, taun 2010.[1][2][3]

Latar wingking[besut | besut sumber]

Kuda Terbang Maria Pinto anggitanipun Linda Christanty kapérang wonten kalih welas carita cekak nggih punika Kuda Terbang Maria Pinto, Makan Malam, Pesta Terakhir, Lubang Hitam, Balada Hari Hujan, Danau, Lelaki Beraroma kebun, Perang, Joao, Qirzar, Rumput Liar, lan Makam Keempat. Wondéné sesirahipun kapundhut saking carita cekak kaping pisan, nggih punika Kuda Terbang Maria Pinto. Linda Christanty woten ing buku punika nyerataken babagan panindhasan, kehampaan, kelangan, kahanan politik, prayudan, miyos tembung-tembung ingkang adamel keli. Sinaosa Linda mboten terang-terangan nyerat papan panggènan utawi latar wingkingipun, para pamaos bokmenawi cekap saget mangertosi punaka suraos ingkang wonten ing carita-carita cekak punika.

Pangulasing para pisuwur[besut | besut sumber]

  • Sutardji Calzoum Bachri: Nyawisaken tema-tema kamanungsan tanpa pasrah bongkokan kasusastran ing sangandhapipun tapak suku pakunjaran wewanti, sanès perkawis gampil. Linda Christanty prigel sanget wontening mriki. Sapérangan ageng carita-carita cekakipun, prosa lan puisi nyawiji dados setunggal, nglairaken pakaryan ingkang ngédab-edabi..
  • Nirwan Dewanto: Wonten ing carita cekak Linda Christanty, kula-panjenengan saget pikantuk ampuhipun suwanten politik kepara jalaran politis punika sadremah wonten minangka kilas walik tipis saking laku lan wicara para tokoh.
  • Sapardi Djoko Damono: Ing carita cekakipun Linda Christanty, kula mbayangaken tuwuhipun cerpen dinten mangkih.[4]

Pirsai ugi[besut | besut sumber]

Rujukan[besut | besut sumber]