Kolibri

Saka Wikipédia Jawa, bauwarna bébas abasa Jawa
Kolibri
Colibri-thalassinus-001-edit.jpg
Colibri thalassinus ngisep kembang
Klasifikasi ngèlmiah
Karajan: Animalia
Filum: Chordata
Klas: Aves
Subklas: Neornithes
Infraklas: Neognathae
Unranked: Cypselomorphae
Ordho: Apodiformes
Famili: Trochilidae
Vigors, 1825
Subfamili

Phaethornithinae
Trochilinae

Kolibri iku manuk cilik kanthi dawa 6,4 cm lan awerna cerah sing sapérangan gedhé urip ing Amérika Lor lan Amérika Kidul.[1] Sawijining kolibri duwé watara séwu wulu sing meling-meling saéngga bisa mantulaké lan mencaraké sinar manéka warna sing bisa malih nalika manuk obah kaya lenga ing banyu.[2]. manuk kolibri duwé dasanamané kolibrita. manuk kolibri kalebu bangsa Manuk Walet (latin:Apodiformes.[3]

Ana punjul 319 spésies manuk kolibri mung tinemu ana ing Bennua Amérika saka laladan tropik Amérika kidul manuk sumebar mengidul tekan Pulo Api lan mengalor tekan, Quebeq, lan Nova Scotia ing Amérika Utara. Antarané jinis Kolibri paling cilik ukurané awaké ya iku Kolibri Tawon (Latin: Mellisuga helenae) kanthi bobot 2 gram, déné sing gedhé dhéwé ya iku kolibri raseksa (Latin: Patagona gigas) kanthi bobot 20 gram. Cucuk Kolibri ana sing lempeng dawa kaya duwèké jinis kolibri Cucuk Pedhang (Latin: Ennsifera ensifera) ana uga sing dawa mengkeluk kaya duwèké Kolibri Cucuk Arit (Latin: Eutoxeres aquila). Sanajan bangsané manuk nanging patrap anggoné golèk pangan kolibri ngemperi gegremet kaya kombang, tawon, apa déné kupu, sing ngisep sarining kembang madu. Kolibri sing uga sumebar tekan pulo-pulo iring kulon laladan samodra pasifik, kalebu indonesia, kalebu manuk cilik dhéwé sak donya. Boboté rata-rata 3-7 gram lan dawa awake 6,4 cm. Wulune sing warni-warni éndah lan meleng-meleng nuwuhaké sesawangan éndah nalika manuk iku mabur lan kekiterann ing awang-awang banjur cumlorot menyang patamanan sing ana kekembangané.

Pamabur ulung[besut | besut sumber]

Kolibri iku pamabur sing ulung kanthi obahing swiwi sing rikat banget, sadhetik nganti kaping 12-90 kepakan.[1] Sawijining panliti saka Universitas California sing jenengé Christopher Clark nglakokaké pangamatan kanggo ngukur kacepetan manuk kolibri wadon, Christopher njupuk gambar migunakaké kaméra super rikat saéngga bisa nangkep saben obahan saka manuk kolibri. Dhèwèké kasil éntuk 500 gambar sing béda sajeroning sadhetik.[4]. kahebatan liyané Kolibri bisa mabur mundur. sing ora bisa ditindhakaké déning manuk liyané. Kecepatané mabur Kolibri saben dhetik bisa 15m utawa 54 km/jam (34 mil/jam).

Pangan[besut | besut sumber]

Amarga kolibri mabur rikat banget, mula manuk iki mbutuhaké tenaga sing cukup gedhé lan kanggo éntuk ènergi sing gedhé, sawijining kolibri mbutuhaké asupan pangan mawa kalori dhuwur kaya déné nektar utawa péranganing inti sari kembang sing diisep nanggo cucuké sing cilik lan dawa.[1] Varietas kolibri mawa cucuk dawa éntuk pangané kanthi cara ngisep madu kaya biyasa, nanging kanggo varietas liya, kolibri bakal ngebur sawijining bolongan nembus pangkal kembang menyang panggonané madu banjur nyisipaké cucuké sajeroning bolongan mau.[5]

Cara kolibri sing kaya mangkono iku uga bisa mbiyantu kembang kanggo panyerbukan silang, amarga racaké serbuk sari bakal kagawa ing endhas utawa cucuk kolibri lan banjur pindhah saka kembang siji menyang kembang liyané.[5]

Amarga wetengé sing ora kuwawa madhahi pangan akèh mula Kolibri anggoné mangan saben dinané kaping 6-14. Akèhé pangan saben dinane tikel kaping lima bobot awaké. Kanggo ngirit tenaga Kolibri ora akèh mabur kaya manuk-manuk liyané. Mung 10-15% wektuné kanggo mabur sedinané lan 75-80% wektuné kanggo pèncokan. Ing alam bébas umuré Kolibri bisa nyandhak 10-15 taun. Kajaba madu kembang (nektar), Kolibri uga dhemen mangan rengit, kutu, apadene mrutu.

Réprodhuksi[besut | besut sumber]

Swara manuk kolibri arang karungon, amarga swara arupa uni sing digawé déning swiwiné. Sakwéné mangsa tetangkaran, akèh-akèhé jinis lanangé nyatakaké rasané kanhti ocèhan gambira sraya mabur ngiter ing sangarepé sang manuk wadon, sapérangan jinisé malah duwé nyanyian merdu kanthi kakuwatan sing ngédab-édabi.[5] Éwadéné wadoné kanggo narik kawigatèn saka sing lanang, bakal mabur maklompok-golongan kanthi kacepetan dhuwur lan banjur nglakokaké akrobat ing udara, kaya ing montor mabur jèt.[4]

Manuk kolibri mung ngendhog 2 kanthi warna putih resik tanpa ana bercak babar blas bentuké lonjong.[5] Endhog mau dipapanaké sajeroning susuh sing digawé kanthi trampil saka wulu alus tanduran utawa kaiket ing panggonané jaring angga-angga.[5] Sisih njaban susuh racaké ana hiasané lumut kerak lan lumut godhong sithik.[5]. Endhogé diangremi 14 dina lagi netes. Anaké Kolibri tanpa wulu lan lagi 3-4 minggu candhaké lagi wuluné ketel.

Spesies paling cerak[besut | besut sumber]

Kolibri duwé krabat paling cerak karo manuk kanthi tipikal gaya urip sing padha, ya iku cilik, pamabur rikat, lan padha-padha mangan nektar. Manuk iku arané sunbird sing ana ing wewengkon pasisir wétan Afrika. Nanging kaloroné dudu saka famili manuk sing padha, kamèmperan disebabaké amarga prosès evolusi konvergen.[6]

Réferènsi[besut | besut sumber]

  1. ^ a b c Disney's Ensiklopediaku Yang Pertama. PT Widyadara. Jakarta. 1983
  2. ^ Alam dan margasatwa Amérika Selatan. Bates, Marston. PT Tira Pustaka. Jakarta.
  3. ^ Djaka Lodang No.27. PT Djaka Lodang Pers. DIY. 2012
  4. ^ a b http://simpatizone.telkomsel.com/web/funzone/Education/Kolibri_Burung_Super_Cepat diaksès tanggal 9-04-2010
  5. ^ a b c d e f Ilmu Pengetahuan Populer: 7. PT Widyadara. Jakarta.
  6. ^ http://www.panda.org/about_our_earth/ecoregions/eastafrica_coastal_forests.cfm