Kirsten Hastrup
Kirsten Hastrup ya iku ahli antropologi wanita saka Kopenhagen, Dhènemarken, kalairan ing taun 1948[1]. Kirsten naté olèh pandhidhikan pawiyatan luhur ana ing University of Copenhagen (Mag.Scient.) ing taun 1973[2][3][4]. Sabanjuré ing University of Oxford (D.Phil.) ing taun 1980 lan ing University of Copenhagen (Dr.Scient.Soc.) ing taun 1990[2]. Panlitian lapangan antropologis kang linakonan déning dhèwèké ya iku ana ing Èslan ing taun 1981 nganti 1982 , Indhi ing taun 1975, lan ing Kolombia ing taun 1988[1][4]. Karya-karya akadhemis kang sinerat déning dhèwèké ya iku antarané Nature and Policy in Iceland 1400–1800. An Anthropological Analysis of History and Mentality (taun 1990), A Passage to Anthropology. Between Experience and Theory (taun 1995), A Place Apart. An Anthropological Study of the Icelandic World (1998), lan Studying Action. Anthropology in the Company of Shakespeare (taun 2003)[1][4]. Kirsten iki duwé pisumbangan ing bab ètnografi Èslan. Uga dhèwèké mratèlaké lan ngembangaké bab tèori antropologi kontemporèr, èpistemologi, lan praktik ètnografi[1].
Rujukan
[besut | besut sumber]- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 326. ISBN 020364459X. OCLC 436848672.
- ↑ a b mattiasborg (2009-10-28). "Kirsten Hastrup". waterworlds.ku.dk (ing basa Inggris). Diarsip saka sing asli ing 2017-09-07. Dibukak ing 2018-01-16.
- ↑ "Professor Kirsten Hastrup | British Academy". British Academy (ing basa Inggris). Dibukak ing 2018-01-16.
- ↑ a b c Saubatte, Elodie. "Kirsten Hastrup - Institut d'études avancées de Paris". www.paris-iea.fr (ing basa Inggris Karajan Manunggal). Dibukak ing 2018-01-16.