Kethiplak
Kethiplak (jeneng liya thèklèk, bakiak, cripu, utawa gapyak) iku sajinis sandhal kang digawé saka bahan kayu. Kethiplak asring digunakaké déning para priyayi utawa wong sing wis rada sepuh. Ing Jepang anggon-anggon sikil sajinis kethiplak iki diarani Geta. Ing nagara Walanda lan nagara-nagara saubengé kaya Bèlgi, Dhènemarken, Litowen lan Swèdhen uga ana sajinis bakiak sing digawé saka bahan kayu iki nanging bagéan ngarepé katutup, ya iku sing diarani klompen.