Kawruh Kapribadhèn

Organisasi Kawruh Kapribadhèn (Hanacaraka: ꦎꦂꦒꦤꦶꦱꦱꦶꦏꦮꦿꦸꦃꦏꦥꦿꦶꦧꦣꦺꦤ꧀) sawijining pakumpulan kang dipandhegani déning R. Soemantri GRG lan diadegaké taun 1967. Organisasi iki madheg ancase supaya para manungsa ing alam padhang bisa pikantuk wahyu lan wangsit saking Gusti Kang Akarya Jagad lan bisa kepanggih kaliyan Sang Guru Sejati. Organisasi iki duweni karep kanggo menehi ngerti marang para anggota supaya nduweni budhi kang luhur lan mangertèni kakuwatan kang ora katon kang manjing anèng pribadhiné.^[1]

Sajarah

Sajarah Organisasi iki bisa ditlusuri wiwit taun 1956. Rikala R. Soemantri GRG (swargi) meguru marang Bapa Anggara ing Surakarta. Saka asilé meguru iku R. Soemantri GRG pikantuk rapal kanggo pepanggihan kaliyan Sang Guru Sejati utawa utusané Gusti Kang Murbèng Rat ya Gusti Allah.

Lambang

Lambange Organisasi iki arupa srengéngé kang ngemot wong kang lagi tapa (semédi) lan kebak warna yaiku ana warna ireng, kuning, abang, lan putih. Ing dhuwur sirahé wong iku ana lintang limang iji. Warna Ireng ngemu pralambang Aluamah.

Rujukan

↑ Direktorat Kepercayaan Terhadap Tuhan Yang Maha Esa (2010). Ensiklopedi Kepercayaan Tuhan Yang Maha Esa. Jakarta: Direktorat Jenderal Seni dan Film. kc. 213–215. ISBN 978-979-16071-1-7.

[1] Direktorat Kepercayaan Terhadap Tuhan Yang Maha Esa (2010). Ensiklopedi Kepercayaan Tuhan Yang Maha Esa. Jakarta: Direktorat Jenderal Seni dan Film. kc. 213–215. ISBN 978-979-16071-1-7.

[1]