Kasada
Upacara Kasada ya iku upacara sing dianakaké déning masarakat Tengger, uga sinebut Upacara Yadnya Kasada. Upacara kasada dianakaké saben sasi Asuji utawa Kasada (sasi kaping 12) taun Saka, ing wayah wengi. Upacara iki dianakaké ing Poten Sagara Wedhi, cedhak Gunung Brama.
Ubarampé
[besut | besut sumber]Ubarampé sing diprelokaké ing upacara kasada ya iku ongkek-ongkek sing isiné asil bumi,[1] ingon-ingon kanggo dilabuhake ing kawah Gunung Brama, banyu suci saka pitung sumur, kitab suci weda, mandala utama kanggo panggonan dukun, gamelan, kembang setaman, lan dwipa.
Tata Cara Upacara Kasada
[besut | besut sumber]Sadurungé dianakaké Upacara Kasada, adaté para sesepuh nemtokaké dina lan wektu sing trep supaya upacara bisa lancar. Ing Upacara Kasada iki, saliyané labuhan sesaji uga ana ritual liya, ya iku nglukat umat lan pelantikan dukun. Upacara Kasada tujuané ya iku kanggo ngenang pangorbanané Hadi Kusuma kang dadi tumbal lan digawa lunga Sang Hyang Widi ing legenda Rara Anteng lan Jaka Seger, sing dadi leluhuré masarakat Tengger.
Cathetan sikil
[besut | besut sumber]- ↑ "Upacara Kasada Bromo". Diarsip saka sing asli ing 2012-06-05. Dibukak ing 2012-06-20.
 | Artikel budaya iki minangka artikel rintisan. Kowé bisa ngéwangi Wikipédia ngembangaké. |