Karpela

Saka Wikipédia Jawa, bauwarna bébas abasa Jawa
Jump to navigation Jump to search
Woh suku labu-labuan, kaya ta melon, kasusun saka telung karpela sing silih nèmpèl.

Godhong woh, karpelum, utawa karpela (saka Latin: carpellum, jamak carpella) arupa ékan panyusun piranti kelamin wadon, alias putik, sajeroning bunga. Saler putik bisa kasusun saka siji godhong woh utawa sapérangan godhong woh sing nèmpèl siji lan sijiné. Siji utawa luwih putik arupa piranti kelamin wadon sing diarani gynoecium (piranti kelamin lanang diarani androecium, lan kasusun saka benang sari utawa stamen).

Pérangan pucuk (distal) saka godhong woh arupa ndhas putik lan dadi papan tiba lan ngecambahé serbuk sari. Nyeraki pangkal, godhong woh nyusun corong tangké putik, lan akiré pérangan pangkal mbentuk bakal woh (ovum), sing ing njeroné nèmpèl siji utawa sapérangan bakal wiji (ovulum, jamak ovula).